Krismas atan i chei leh Ṭan tawh ang u

Kum 2015 kha Mizoramah chuan Krismas atana kan in leh kawngpui leh hmun remchang lai lai kan chei nasat ber kum a ni.

Nikum khan Krismas atana in chei uar tur leh chei hma tura rawtna kha kan chhiar zauh zauh a, kumin chua reh deuh dawn bawka ngaihdan ngai kan tarlan tawh kha her lum leh tawp mai teh ang le.

Sapramah chuan khua a vawh ṭan hun, November thla tir aṭang hi chuan Krismas decoration hi an ṭan tawh an ti a, hei hi chu Sapram kal ve lo tan chuan mi sawi mai bak hi kan hre lo. Mizoramah chuan, “Krismas hla hi ngaithla hma ila Krismas kan hmang rei a ni mai,” kan ti ṭhin kha a ni a, chu chu kan krismas urlawk ve dan hlimawm ber a nih ka ring.

Hun a inher zel a, kan ram economy pawh a ṭha chho zel a, retheite chu a tam zawk la ni mah ila kan mi hausate hian pawisa hi an ngah tawh a, Krismas atana kawngpui cheina mai mai theh chhuah hi an harsat tawh lo.

Krismas-a pawisa hmanna ṭha tak chu khawlai chei mawi hi a ni a, milian leh mite tana kawngpui an han chei mawite hi a nuamin Krismas ti Krismas tu tak a ni ve tlat tawh a ni.

Tun hma ang kha a ni tawh lova, lawm tur leh nuam tih tur thil hi a tam tawh a, Krismas meuh erawh hi chu a la danglam zar mai, Kawngpui chei leh tawh ila, kawn leh hmun thengthaw deuhte hi ti krismas ila, a neite pawisa bak hman a ni chuang lova lo ui vak lo ang u. Ṭhenkhatin miretheite pek zawk awm, an han ti a, hetiang ang ‘mifing’ hi an tam khawp a, a nei chuan an pe ngei tur a ni a, kawngpui leh in leh a chhehvel cheina pawh a awm tho tur a ni.

Krismas-a in, kawngpui leh hmun nuam apiang chei mawi hi 100% in ka support a, chei hma poh leh a nuam hma a ni mai.

- Lalmuanpuia