Mizo aw siamṭhat tum lai hian

Mizo Language Development Board-in kan A AW B siam ṭhat leh NG dahna sawn an tum thute ka lo hriatin engtin tak nge hma an lak tawh ka hre ve lo va. Hetih rual hian naupan deuh laia kan lo hman fiam ṭhin ang zawngte hi siam ṭhat a nih rau rau chuan lo en tel ve se kan va duh em!

Kan Missionary ten Roman Script zuiin tlem paihin, kan ṭawng atana ṭha leh ṭul tlem belhin hawrawp 25, hawrawp double 3 Aw, Ch, Ng nen 28-in min siamsak a, kan harsatna pakhat (Ṭ ṭ) hi type writer leh Computer-ah te a awm loh avang khan kan buai ṭhin a. Tr (Tring) hmante kan tum a, a rem si lo. Roman Script zui hian heti hian danglam nasa lo deuh hawrawp tlem zawk siin nei ta ila a ṭha ang em?

A W (AW) B C (CH) D E F Y (GE) G (NG) H I K L M N O P R S T J (Ṭ) U V Z

Total : 24 (A hmain 25, a malin 28 kan nei a)

Thu ziaka entirna tlem:

• Chawngzawngin chaw a zawng = Cwgzwgin cw a zwg.

• Ṭingang rawn chhawp rawh =Jig jag rwn chwp rwh

• Chhiar ring rawh = chiar rig rwh

• I biang rawn dawh rawh = I biag rwn dwh rwh

Y.y. (ge) siam hi Mizo Dialect ṭhenkhat tan a ṭul. Hawrawp 28 hmang ṭhin khan hawrawp 24 kan hmang tawh ang a, hun rei zawk leh tam zawk lo deuhin thu kan ziak thei tawh ang. J leh G hi chu Z leh Ek in a kep thei ang a. Ṭ aiah Tr hman tum lovin J hi Ṭ (Tri)-in hmang ila, O hi AW-ah hmang lo bawk ila. G (ek) hi Y (ge) in thlak ila.

Ka lawm e.

- Thangkima Ralte, Vaivakawn. 9366261455