Opposition chet nat a hun

Gas harsatna hi chanchinbu kaltlanga kan hriat danin a hnuk a tawi hle a. Silchar leh Mualkhangah a tam a, a phurtu lama harsatna avangin kan harsa a lo ni awm a. Sorkar lam an che
ṭha duh si lova, an hmalak vena tlem tlem han sawi ve mah se kum chanve (thla 6) zet chu kan mangang ta. Thu tam tak sawi lovin Eptu Pawl tih tur rawtna kan siam thuai mai teh ang. Sorkar hian thiamthu sawi eltiang mah se gas a van miau chuan mipuiin an dem tho tho ang.

1. Eptu Party lian ber MNF hian ngaihventu Commi-ttee din vat sela. Eptu party dang pawhin hma la ve bawk rawh se.

2. YMA emaw Eptu party te hian gas phur theitu tur mi tlawmngaite motor ngaihtuah sela, a changtu Minister Office-ah report sela, hma a lak hma chuan hna dang thawk thei lo tur leh hma a lak ngei ngeina turin nawr rawh se.

3. Gas phurtu contractor a rang thei ang berin ruat belh rawh se.

4. Kan Chief Minister zah-awm tak hian a Cabi-net Minister-te Portfolio thlak sela, Minister a neih chak chak berin gas hi chang turin ruat sela a ṭha ang.

5. Mipui pawh-in tun aiin kan ram hruaitute hi i bih chiang ang u. A thawka phita thil ho te tea lawmthu sawi leh kan ‘sorkar chak tak hian’ tih ṭawngkam chhak chhuah zen te hi i sim tawh ang u.

6. Hengah te hian ram hruaitute teh ila, power an siam chhuak ṭha em? Kawng an siam ṭha em? Corruption an haw tak tak em? Mipui nitin mamawh an ngaihven em? Khawtlang nun chhe mek an ngaihsak em? tihah te hian.

Tin, vote kan thlak reng rengin kan ram hun lokal tur thlirin vote thlak ila. Eichawp ho te te leh sum sem behchhanin vote i thlak lo ang u. Hnam hmakhua ngaia engkim kan ngaihtuah a hun ta. Sum leh therhloin kan moral min tih-chhiat sak zo tak ngial dawn. Kan zavai hian harh a hun ta.

Kan ram kawng chhe lutuk leh power-a hnianghnar kan la hlat lutuk te hi mipuiin kan engto hle a ngai a. Kan ram hruaitute hian fahrawn ang lekin min enkawl rei ta lua e.

- Rualkhuma Hmar