Kawng siamtute hlawhchhamna lian ber

Mizorama kawng siamtute hlawhchhamna lian ber chu tuihawk vang a ni a; tun thlengin an la harh chhuak thei mawlh lo. Thil dang tam tak, kawng chhiat chhan a awm a, pakhat chauh han sawi ila.

Tuihâwk luan kawr ṭha siam nghâl zêl a pawimawh. Bitumen pavement road-in tui a ngam lo. Ruah tamna ramah chuan tuihâwk luan kawr siam ṭhat loh hi kawng chhiatna bul a ni.

Pahnihna chu, kawnga tui tling leh luang hi a ni. A paihna ngaihtuah nghal zel tur a ni.

Hei tê mai pawh hi, tunah pawh hian han ti se chu a ziaawm hle tur hi a ni a le! Rei vak lo vah khua a ên chuan, a hul mai a, a ziaawm mai ṭhin.

Ka sawi hnem ve ta viau a, an la ti tlat si lo. A teh dân system, standard, êk e bâl e, tih tih a ngai lo. Kan ram mila hma lâk a pawimawh ber zâwk. Vai ho phei chu chiang taka hrilh fo an ngai ang. Kawng siamtuten lo hre hrâm teh se.

- F Malsawma