ILP, Mizoram sponsorship

Sponsor-tute lakah sawrkarin hma la ṭha se, phalna bituk pêla awm leh phalna nei lo chung-chang a fel duak ang.

Kan buaina ber hi 2014 Guidelines-in Mizorama cheng nghet tu pawhin mimal hna/thila kan mamawh chuan state pawna mi ILP kaltlangin kan chawlut thei a, sponsor kan ni thei.

Online-in ILP permit dil/neih theih a ni a, dilna form-ah Mizorama awm hun chhung tur a chuan vek avangin online vêkin a vil zui theih. Mahse, vil zui thawm hriat a ni lo!

Hengte hi sponsor-tu mawhphurhna a ni:

1. Sponsor-tuin ILP permit neitu a mamawh tawh hunah rang takin DC hnenah ILP lehkha a theh lut tur a ni a, ILP thih aṭanga ni 7 ral hma ngaiin a tifel vek tur a ni.

2. ILP tihnunna sponsor-tuin a hun chhunga DC-a a theh luh loh chuan kum 2 chhung sponsor phal lohsak tur niin, mi pakhat zelah Rs 1,000 zel a chawi tur a ni.

ILP neituin a tihnun/pawhsei phalna a neih loh chuan ni tin Rs 50 (regular ILP) leh Rs 30 (temporary ILP) a chawi tur a ni a, tihnunna/pawhseina nei lo apiang ILP tihtawpsak nghal tur a ni.

Tuna kan kalpui danah hian sponsor-tute’n an ngaihven ngai lo tlangpui a, ILP neitute’n an inbuaipui ṭhin. Home Department/DC emaw, Court-in emaw sponsor-tu lakah dan angin hma la se, ILP permit nei lo cheng zui leh buaina a kiam duak ngei ang.

- Lalrinzuala Chawngthu