Vai hnawhchhuah runpui nei dawn

Chief Minister Pu Lalduhoma chuan Mizoram chu vai ram a ni tawh ringawt a, chuvangin Vai hnawhchhuah runpui kan nei dawn, a ti riap mai a, ka lawm khawp mai.

Mizoram khaw hrang hrang bakah kan state khawpui Aizawlah tunhnai aṭang khan Vai an pung nasa em em a, ka vei em em ang chiahin CM-in a lo vei ve tih a tawngkam ngei ka hria chu ka lawm hle mai.

A sawi ang khan Governor te leh central mi pawimawh hrang hrang hnenah Vai hnawhchhuah runpui neih tur a hrilh lawk tawh thu a sawi nghe nghe a, a lawmawm lutuk tlat.

Vai hnawtchhuak tur hian Local Council leh VC-te hman ṭangkai anih tur thu a sawi a, an nin an Veng chhunga Vai awm zawng zawng an hre vek a, an ṭangkai tur thu a sawi bawk a, a ṭha dawn khawp mai.

Online-a ILP ti tura hmalak mek anih tur thu a sawi bawk a, online a ILP tih anih chuan Mizorama an awm hun a tawp chuan an mobile phone-a hrilh mai tur an ni a, ILP nung tawh lote chu sorkar sum senga thawnchhuah (push back) loin, an mahni senso-in ngeiin Mizoram an chhuahsan tur a nih thu CM-in a sawi tel bawk a, thil ṭha tak a ni.

Tunhnaiah Aizawl CRPF recruitment neih a nih dawn avangin Assam leh state dang aṭang Vai an lo lut nasa hle a, hmanni zanah pawh Vairengte Police Gate ah an buai deuh laih kha. Inner Line Permit a ngai a mi, India mi vek kan nia lawm, te an tih khum vel ni awm tak a ni.

Tun aṭanga ILP kan check uluk loh chuan Vaiin min chimral vat lo ang tih a sawi theih loh. Kan ILP pawh hi Central sorkarin a ngaimawh hun a thleng ang tih a hlauhawm hle bawk a ni.

Chuvangin mahni in luahtute pawh fimkhur tlan a ngai ta khawp mai. Pawisa duh vanga Vai kan sponsor a, an hnen aṭanga pawisa hmunna ringawt ang zawn chuan ram leh Hnam hmelma kan ni tih hriat fo a ṭha. Tin, hnathawk tur lokal engemawzat chu a rukin an sumdawng nasa tih pawh kan hriat a, kan thlithlai uluk zual a ngai hle. Nakin lawkah kan buaina tur a la ni dawn.

Chuvangin Rel a lo luh pawhin kan mamawh hnathawk turte chauh kan sponsor a ṭul dawn a ni. Kan duh duh kan sponsor ringawt hi a dik lo. Kan ṭhneawm thlengin kan in vil a pawimawh dawn a ni.

Aizawl leh hming hrang hrangah pawh tow wheelers khalh Vai an pung nasa ta hle mai. Heng ho hian Kan sumdawnna thlengin pawi an la sawi dawn chauh. Chuvangin heng ho hi khawi ngam loh a ṭha ber awm e.

CM-in Vai thawnlet runpui a sawi hi a takin thleng ngei se a duhawm ngawt mai.

- Lal Rinmawia