Kohhran programme leh Ei-in thu kha ka tuihnih ve duh

Hman deuhah khan han ti ila, tun hnaiah pawh a ni thova, kohhran inkhawmpuia ei leh in chungchang an ziah ṭhin kha ka vei zawng, a ki dang deuhva han tuihnih ve ka chak a, hei hi tute emaw ṭawngkam takin a reformation rawngkai deuh ang a, thlaram mi chuan kohhran beiah min puh mai thei a, ngaihdan sawi chhuak lova up reng thu zuk awm suh.

Kohhran ei in an uarna ber chu tun hmaa non Mizo tih ṭhin tuna Masihi Sangati inkhawmpuiah hian a ni a, Aizawl pawn lam hman dan zuk hre ve lo mah ila Aizawla ka hriat chinah chuan chaw tawktarha hmangin hnam dang an ko khawm a ang ber mai. Hengho inkhawmpui hi chu fatu pawhin nuam an ti a, a chhan chu inren a awm lova, a kal zat tur a hriat loh vangin a huang lamin an siam risk a, pawisa a tam a, sa a tam a, inren a ngai lo. Hengho hi an han khalh khawm a, chaw leh sa tui ṭha tinrengin an han hrai ta ṭhin a, inkhawmpuiah chuan an tlai nalh mai.

Thil dang ve leh chu in-khawmpui sang chin zawngah hian ei leh in hi an bei uchuak hle. Ziaktu tam berin an target kha Presbyterian Inkhawmpui a ni a, kohhran dang pawh an lem chuang lo. Baptist pawh hi an inkhawmpui lianah chuan a tui tui an ei a, kohhran dangte pawh chuti tho. A inhmukhawm an san poh leh an menu man pawh a sang mai. Kohhran hi intuituahna turah ka ngai lova, ka ngaihdanah chuan a tui pangngai leh a awm tawk hi a awm a, inkhawmpui sang deuh chin nih vanga a tui uchuak leh pawisa pawha aman sang tak ei uar hi chu a kohhran loin ka hria.

Ei leh in uar lutuk hi zu inte nen hian a inhnaih khawp mai tih hriat a ṭha. Zu erawh ngaihtuahna a tibuai a, a ruih a nat vangin a lang ualau a ni.

Ei leh in pawh hi a addictive a, ngawlvei tih ni chiah lo mahse chin dawklak a awm a ni. Engpawhnise ei leh in uar lutuk loa inkhawmpui hman thiam hi kan ram rethei tak hian a mamawh a ni e.

- Zoramliana