Kawngpui laih chhiat kha

Hman ni deuha Vanglaini lama Aizawla kawngpui an laih chhiat nasatzia leh ngaihventu an awm loh thu kha ka veina a rei tawh a. Hei hi Mizoram sorkar leh AMC leh Local Council tinten an tih tur an tih loh vang a ni a, kan ram kawngpui hi a la chhe zual zel dawn a ni.

Sorkar hian hman-ah khan Road Protection Squad tih emaw ni kha a nei
ṭhin a, a la nei a nih pawhin neih loh nen a inang reng tih tun dinhmunah chuan kan hmu ṭheuh awm e. Ka hriat sual loh chuan veng ṭhenkhat hi chuan kawngpui humhalhtu pawl hi an din a, Bethlehem Veng hi hemi kawng-ah chuan an fakawm khawp mai.

Pipe phum turin duhna hmun a, an duh hun hunah, an duh anga thuk leh zauin an laih chhiat theihna state pakhat khawpui awm chhun chu Aizawl hi a ni mai awm e. Mahni kawngpui lai chhe hnam kan lo ni e.

- K Lalparmawia