Krismas barzar kan mamawh

Nikum khan Kris-mas kan mamawhzia Vanglaini-ah ka lo chhiar ṭhin a, thil tihhlawhtlin harsa tak niah ka ngaih avangin ka lo ngaihsak chhun-zawm lem lo a ni.

Kum tina buaina ngai reng kan tawh ziah chu Krismas dawna bazar tawp lutuk ṭhin hi a ni. Bazar ve vek kan duh si a, kan innek luih luih a, misual
ṭhenkhatin hetianga kan innek buai lai hian mi pawisa an lo ru ve bawk a. Hreh tak chungin Krismas bazar atan kan bazar kum tin a, tu leh fate nei ṭheuh kan nih avangin bazar loh ngawt theih a ni si lo.

Amaherawhchu, Anthurium Festival leh Chapchar Kut kan buatsaih te aia hautak lem chuang miah lo hian Krismas atan bazar ṭha tak hi kan nei thei tlatin ka hria. Sorkar hian a ti duh tak tak a nih chuan High Field-ah khian Mizote hun pui ber Krismas bazar tur hmun nuam tak kan nei thei tlat mai.

Sorkar hi sum leh paiah a indaih lo a, a ti thei dawn loh a nih pawhin tender te chhuahin mimal hnenah he Krismas bazar siam hna hi pe chhawng se. Chumi tender changtu chuan dawr (stall) tinah stall fee tlem te tea khawnin a senso leh a hlawh tur pawisa hi chu awlsam tein a hmu chhuak thei mai dawn a ni.

- Ramhmangaiha