Doctor-te leh office hna
Vanglaini edito-rial-ah khan sorkar doctor indaih lo siam-remna atan doctor tam tak office-a ṭhute hi damlo enkawl lamah kal leh tawh se, tih lam hawi kha kan chhiar ṭheuh ang a. Kha kha sorkar doctor lam chuan an lawm lova, anmahni huang chhungah chuan an sawisel nasa tihte ka lo hre zui zel a, kha thil kha rawtna ṭhaa a lan avangin zau zawka thlir i han tum teh ang.
Mizoram sorkar hnuaiah health depart-ment hi a lian ber hial mai thei a, Home leh School Education department nen hian thawktu an ngah hle. Health department hi office pahnihah an ṭhen tawh a, henga hnathawktu pawimawh zawng zawng deuhthaw hi chu medical doctor an ni. An sum lam khawihtu ni lo hi chu MBBS leh a aia sang an ni deuh vek a, office-ah hian damlo enkawl tura inzir chhuak an ṭhu tam hle.
Doctor lam thukha-wchang pawh hi a dik ve thova, anni lam chuan medical thil hi chu a zir lo chuan an hre lo an ti. Damdawi order dan te, khawl lei tur te, damdawi in inenkawl dan hrim hrim hi chu a zira zir chhuak lo tan chuan thiam chi a ni lo an ti a, hei hi chu ka pawm khawp mai. Mihring thih leh dam thil a nih avangin a zira zir ngeiin a damdawi, a damdawi-in leh a khawl kalphung hi chu an enkawl a ngai a, doctor eng emaw zat hi chu office lama an ṭhut hi a ṭul a ni.
‘Mahse’ kan ti tlat teh ang - tunah hi chuan doctor hi an senior hnu hian an ‘hahchawl’ ta
ṭhin a, damlo en tura inzir chhuakte hi ‘administrator’ an ni ta.
Ka sawi tawh ang khian eng emaw zat hi chu a hotu pawi-mawhah hian an awm a ngai a, mahse post chanve vel hi chu administration khawih tura sorkarin a lakte hnenah hian dah se kan fel duak ang a, inenkawl a awlsam ang a, a pawimawh ber-ah chuan sorkar doc-tor an indaih tawh ang.
A lu berah IAS officer awm se, tichuan MSC post hi pali - panga siam belh se, administration hi office pangngai anga kal a tam zawk avangin anni enkawl tur chi a ni. Tichuan, medicine, khawl, hospital chhung bik thilah doctor-te hi office-ah ṭhu tho se, office inenkawlna kalphung pangngai khawiha MBBS leh MD, MS rual office-a an ṭhu ve khur mai hi chu inhmeh lo ka ti a, an uiawm ka ti a ni kei thil hre lo hian.
- Lawmkima