KAN BEISEI RUK THIN

Kan hnam nun-phung leh khawsak chhoh dan ka chhut ve aṭangin thil ngaih pawimawh, hmaih-
ṭhelh kan neiin ka hre ṭhin. Dikna, rinawmna leh tlawmngaihna vawnnun hi mimal nunah a harsa chho zel a, kan khawsak dan leh nunphung danglam vang pawh a ni ang.

Ka ngaihpawimawh em em chu Aia upate zah chungchang hi a ni a, kum 1990 chho leh hmalam hret khan Primary School zirlaibuah khan

"Aia upate zah

thiamin

An thute awihin

zawm fo rawh

An hnial ngai lo

aia u te..."

tih hla kha kan zir
ṭhin a. Class-ahte khan kan sawi rual dual dual ṭhin kha a nia, tun hnua ka ngaihtuah leh hian kan nun hman chhoh zelah hian a lo pawimawhin a
ṭangkai hlein ka hria. Khatihlaia zirlaibu siamtute khan ngaih-tuahna fing tak an lo hmang niin ka hria.

Tunah hian kum 2016 kum tawp kan hmang chho mek a, tleirawl leh rawltharte hian School an kal
ṭantirh Nursery, KG class-ah te lo zir ve ta se aia upate zahna hi tun ai chuan an chawi-san ka ring tlat a ni.

Chuvangin, zir-laibu a zir pha lote nunphung hi chu danglam hle. Rhyme mawi tak tak te, ABC leh a hrilhfiah awlsam zawkten Nursery leh KG class-ahte an zir ṭan a, Education System leh Text book changkang kan inhlui a, English Medium-a zir chhuak ve lo tan phei chuan changkang tawh tak a ni.

Chutiang zelin nu leh pa te thuawih a pawimawhzia hriain kum 20 liam taa zirlaibu siamtute khan - "Ka nu ka nu duh tak mai chu,

Ka dam loa a tlai-var a, ka ṭapa min lo chawimu ṭhin

Hah tak leh chak lo chung pawhin

Ka nu ka nu duh tak mai chu" tih hla thu kha Primary Zirlaibu-ah an lo telh a, a hluin a lova ṭangkai em tih ka ngaihtuah let ṭhin. Nu leh pate zahna hetiang hla thu zir pha chin kha chuan a zir pha ve lo ai chuan an nei zawk ngei ang le.

Ṭhangtharte nun-dan kan sel luai luai a, kan ram hruaitu te, kohhran lam leh nu leh pate pawhin Nu leh Pa thuawih loh te, Aia upa zahna an tlakchham thute kan sawi ṭhin, eng nge a bul ber hriat a har hle ang.

Zirlai naupang ten hun an hman tamna hmun School-ah hian thil pawimawh tak tak leh thiamna leh finna an zir a, chuvangin kan ngaih pawimawh zawng kan sawi "Aia upa te zah thiamin" tih leh "Ka nu ka nu dah tak mai chu" tih hla thu te hi kan Primary stage zirlaibu siamtu fing leh fel takte hian han tharthawh leh ta se. English Rhyme ‘London bridge is falling down’ an thiam bel ang khan school naupangten han thiam sela kan Mizo khawtlang nunah hian awmzia a neih ka la ring fan a ni.

- Vansangzuala Pa, Ngopa