Sorkar hmalakna ka fak thlawt
Aizawl khawpui hi plan mumal awm loin insak leh kawngpui sial a tam a, kum 20 kal ta te kha chuan harsatna em em a awm lo. Tunah mihring kan lo pung zel a, kawngpui hnaih tak taka in a lo ding ta a, kawngpui a chepin bang leh bang insi rengin kan awm khawm ta tut mai.
MNF sorkar hma-sa, Pu R. Tlanghming-thanga'n PWD a enkawl lai khan theihtawp chhuahin, rem leh rem loin kawng-pui a sial a, a bik takin Republic Veng leh College Veng inkar kawng zauh te, Venghlui hmun hrang hranga kawng a siamte kha a fakawm tak zetin ka hria.
Hei mai bakah sulhnu tam tak a neih-te chu Saiha a mi pawhin an chhawr vek a, kawngpui zawhna lirthei khalhtu leh kea kal thlengin kan chhawr a, a lawmawm hle. MNF sorkar khan an theihtawp chhuahin hmasawnna an kalpui kha hriatreng tlak a ni.
Congress an sorkar a, term khat an sorkar lai khan MNF sorkar lai ai mah khan nasa zawkin ram mipui rawng an bawl a, theihnghilh theih loh tur ram rohlu an hnuchhiah kan ti thei ang. Tun term an hman mek kum thum chhunga an hnathawh pawh hi hriatreng tlak tak tak a tam hle. Lunglei khawpuia hmasawnna zozaite khi a mi chengte'n an hmu thiam duh lo a nih ngawt loh chuan an hnathawh chu hmuh theih a ni. Chhim lama an sulhnute hi a ropui ngawt mai.
Doctor sawn vanga kawngpui dang chat-tute hian chhim lam hmasawnna nasa tak hi an hmu ve ang em aw!
Ka sawi duh tak zawk chu Aizawl khaw-pui hmun chep tak karah mipui tana an hnathawh hi a ni. Hman deuhah Vaiva-kawn kawng peng-
ṭhuam hmun hnih chu zauh a ni a, thawk huaina tham khawpin kawng min siamsak a, a lawmawm tak zet a ni.
Kha thil kha UD & PA aṭanga sum hmuh hmanga PWD ten an siam ni awm tak a ni a, PWD engineer-te pawh fak an phu hle.
Tunah hian Repub-lic leh Venghlui peng-
ṭhuam, Pi Pangin peng tia a hming an vuah, lirthei kal thei chang chang, inpelhna pawh awm mang lo chu UD&PA sum hmang bawkin laih zauh hnathawh mek a ni a, a sum haichhuaktu leh PWD enkawltu minister-te chungah ka lo lawm ve ngawih ngawih nia. Aizawl khawpui enkawltu Road Division Engi-neer-te pawhin theihtawp chhuahin chhun leh zanah an vil rengte hian thla an timuang ngawt nia.
Eng sorkarah pawh Mizoram hmasawnna chhete tal kan hmu zel hian min ti thlamuang a, tun sorkarah ngat phei chuan ṭhalai tana an hnathawh te, mirethei chhanchhuah nana NLUP hmanga a hmalakna te, mipui tui intur min pek dante leh mipui tana an thawhte hi duhkhawp chu ni lo mahse, mipui hawiher leh mamawh mil tawkah ngai phawt i la, lawm nachang hre zel ang u.
- Lalkhirhvela