AMC leh kea kalna kawng

Aizawl Municipal Corporation hi kum 7 vel zen zawn a ding chauh a la ni a, a theih ang kawng kawng chuan hna pawh a thawk ṭha thawkhat viau. A bik takin tunlai hian mihring kea kalna footpath lamah te, step siam lamahte hma a la mek a, hei hi a lawmawm khawm mai.

Mihring pung zelah lirthei pawh a pung ve zel a, kea kalte kan chep sawt tawh hle a, kawng hi motor kalna chauh emaw tih turin lirthei khalhtu tam zawk chuan an ngai a, mihring kawng kan (cross) tur pawh kawng han ken deuh tum lem loa dim baksak lo pawh hmuh tur an tam hle a ni.

A pawimawh ber chu mihring kan ni a, Pathian tih lo-ah chuan mihring vanga engkim awm a ni. Chuvangin, mi-rethei kan ni emaw, mihausa kan ni emaw, piangsual leh chan-hai kan ni emaw, kea kalna hi chu kan mamawhna a sang dawn chauh.

Lirthei nei zo ve lo chang ke-in an kal lo a, mihausa leh nei nung tak takte pawh kea kal duh an pung zel a, a pawimawhna a sang zel dawn chauh a ni.

Tunlai hian AMC chuan kea kalte a ngai pawimawh chho ta viau zel hi a lawm-awm tak zet a, chumi bawhzui chuan veng hrang hrangah footpath a siamthar mek a, thil ṭha tak a ni. Hei ai hian kea kalna hi ngai pawi-mawh deuh deuh se a duhawm khawp mai. Ṭan han la fat fat zel se kan va ti em.

Kea kalna tur sawi takah chuan Aizawlah hian kea kalna ṭhen-khat chu parking ang deuhthawin an hmang a, hmun ṭhenkhatah chuan dawr angin an inzuar hmiah bawk a, hengte hi ngaimawhtu awm se a ṭha khawp mai. Ramhlun Venglai aṭanga Ramhlun South luhna chiaha kea kalnate saw va en ila, in pakhat kawtah a bung tawp mai a,n heng ang chi hi sawi tur a awm nual ang.

Engpawhnise AMC hi Aizawl khaw-pui tan an ṭangkau lehzualna turin kea kalna hi tun aia chak hian ngaihtuah se, contract pawh mi tlem te hnena pe kual mai mai loin hlawm lian deuhin pe chhuak thei se, hna a ṭha zawk ang.

- Lalramthanga