ENGLISH GRAMMAR POINT: ADAPTATION vs ADOPTION

Sawrkar laipui ('lâipui' tia lam fân duai loh tûr) dân siam 'The Forest Conservation Amendment Act, 2023 chu kan state rorêl khawl (legislature)-in Mizoram tan ṭha zâwka an hriat avangin an pass tawh tih chu kan hre tlang ṭheuh tawh âwm e.

He dan Mizoram tana hman emaw, lâk kai emaw sawi nan hian 'adoption' hman a ni ṭhin a. Hetianga 'adoption' hman hi dik lo hulhual angin social media-a an chhut kai kan lo hmu a; 'adoption' ai chuan 'adaptation' hi hman a dik zâwk ang, tih angin. He thumal awmzia hi inhnaih tak a ni rêng a.

Sawrkar laipuiin a hnuaia sawrkar hna thawkte tana dan a siam, Mizoram sawrkar hna thawkte'n kan lo hman hi 'adaptation' tih a ni a; a chhan chu, Sawrkar laipui dan siamte (Central Acts & Rules) hi a ngial a ngana hmang lo va, kan state din hmun nena inmil tura siam rem hlek hleka kan lo hman ve vâng a ni.

Sawrkar laipui ram ngaw humhalhna dan (The Forest Conservation Amendmend Act, 2023) hi kan state-a hman theih tura tlem tlem kan lo tihdanglam chuan 'adaptation' hman a dik a; siam rem lova a ngial a ngana kan lo hmang (legally applied) a nih erawh chuan 'adoption' hman hi a dik thung.

-Dr J.T. Vanlalngheta