Minister-te portfolio siksawi hi a va ṭha em

Tun hnaia Minister pahnih Dr. Vanlalthlana leh Pu B. Lalchhanzova te enkawl department siam rem hret a ni a. Dr. Vanlalthlana enkawl ṭhin Information, Public Relations, Printing & Stationery Department chu Pu B. Lalchhanzova enkawl tawh tura tih a ni.

ZPM Ministry a din tirh khan Dr. Vanlalthlana hi department 5 lai pek a ni a, chung zingah chuan thawktu tamna ber School Education a tel a, department lian em em dang Higher & Technical Education a tel bawk.

Pu B. Lalchhanzova chu a tirah dept pahnih - Supply leh Revenue chiah enkawltir a ni a, dept. lian pangngai tak ve ve ni mah se, dept. lian lo tak pakhat pek belh a ni hi a âwm viau. Dr. Mathlana pawhin department 3 a la enkawl tho a, Finance hnuaia awm ta Taxation-ah CM a pui dawn bawk a, Education dept. pahnih enkawl hautakzia ngaihtuahin a âwm tâwk hle.

Pi Lalrinpuii'n a tirah dept 3 a enkawl a, mahse, chung zinga pakhat Tourism chu a hnuah Pu Lalnghinglova Hmar enkawltir a ni. Tuna Pi Rinpuii'n a enkawl dept pahnih hi a lian dun em em a, dept. pahnih enkawltir a ni hi a âwm e. A enkawl pakhat Health hi dept. lian, directorate 2/3 nei a ni a; Social Welfare pawh directorate 3 - Social Welfare, Women & Child Development leh Tribal Affairs tia ṭhen theih a ni.

Sawrkar hotute'n dept. len dan leh enkawl hautak dan mila minister portfolio a sîksawi hi a ṭha a, ka thlâwp hle a ni.

- Zoramliana