NLUP SEM KHA

NLUP kha Mizoram political party pakhatin flagship programme hialah neiin, mi ṭhenkhatte’n hlawhtlinpui bawk mah se, a sum fai ringawt um a, engmah ti duh lo ho hian mipui min rawk na hle mai. A hlawhtlinpui hi mi tlemte an ni a, an hlawhtlinna hi fak tlak an ni lawi a.

Chutih lai chuan, sumfai um ringawta NLUP dawngtu mi tam zawk engmah ti lem si lote hian vantlang ram (community land)-ah NLUP atan ram pek (allotted) an ni a, eng thil mah ti lo mahse an hauh zui a, an ta neih a, hei hian mipui a rawk na ta a ni. Khaw zauh nan a ram awlte an hauh a, Supply Reserve (châk lakna reserve) an nêk te a, khaw ṭhenkhatah chuan ram ṭheh tur an hauh tel bawk nia ngaih theih te pawh a awm hial awm e.

Hetianga vantlang thil kit hnawktute hi khawtlangin thian dawn mah se, ṭantu inti nei takin an ṭang kawh tlat ṭhin ni awmin a lang. Kan democracy kalphung pawh hi ennawn hial Mizoram bikah hian a ngai tawh lo maw, tia inzawh pawh thil awm thei a ni.

Sumfai sem intiam hi a rûk ni loa vote inleina ni hial hian a ngaihtuah theih ve bawk lo maw le tih hi kei laisen lungmawl hian ngaihdan ka nei ve ringawt a. A dik maw, dik lo maw, a chhiartu thu ni se.

- Lalhmingthanga