Ṭhalai kan biru em aw...?
Ṭhalaite hi chhung-kua leh khaw-tlang hmel lanna ber kan ni a, nula te pawh chhungkaw pangpar an ni zel dawn a, chhungkaw pangpar mawi leh mawi loh chu nula te nungchang leh awmdanah a innghat thuk hle a ni. Thalai punkhawmna leh rilru pekna lam apiang hi a larin kan bawh thin a, khawtlang thila an chet tam leh khawtlangin hma a sawn a, kohhran lama kan chet tam leh kohhran leh kohhran thalaiin hma a sawn thin a ni. Amaherawh chu bawh lam leh kal tamna lam kan neih erawh chuan kan pen lohna la kha a than a thu ta thin a ni.
Thalai te hian koh-hran leh khawtlang hmasawn nan kan phak tawka kan thawh chhoh loh chuan thawktu dang an awm chuang lo a, kan hun a liam hnuah thangtharte kutah a innghat chho zel dawn a ni. Thalai fel tak takte hian kohhran hi biruk nan kan hmang emaw tih ngaihtuahna ka nei thin a, kohhrana inhman hi thil pawi-mawh kan tihmak-mawh leh kan thlaru nun hawlh thil pawh a ni. YMA leh NGO lamahte hawikir kan harsat lutuk em, nge inhman kawp hi thil tih chi lo ah kan ngaih tih lo ngaihtuah teh ang.
Thalai ten YMA leh NGO, khawtlang hmasawnna leh kal-kawngah hian kan ke kan pen peih loh chuan chutiang pawla hruaitu nih chu thil huphurhawm tak leh mawhphurhna ben per mai chakawm tur a ni tih i ngaihtuah thin ang u. A bik takin, YLA tuna YMA ni ta, Mizo hnam min thuikhawm a, a ram anga ka kulhbang leh kan chhiatthata min tawmhlawmpu pawl hi ka missionary ten an lo din a nih kha, kohhranin a fahrin te pawh kan ti thei ang. YMA hun leh programme te kohhranah puan te pawh a lo ni tawh thin reng a, chutianga thil kalkawp kha i nih tir reng ang u.
Hawh u thalaite hian kan thiamna, finna leh kan theih-na hi YMA leh NGO dangah hian i semzai deuh teh ang u, chutichuan mimal hlutna pawh a lo pung dawn a ni. 'Kaisara thilte chu Kaisara hnenah pe ula, Pathian thilte te chu Pathian hnenah pe ta che u' tih thute hi thildang sawi nan hmang loin, Bible in a kawhtir ang hi ni zel sela, chutilo chu insawithaih kan dawl loh em hi.
Ṭhalai ten kohhran leh khawtlang ti vul zel ila hetiang lama rilru pe lem lo thalai thahnem tak te hip nan leh hemi kawnga hruailuh an awlsam nan Pathian malsawmna danwg tlakin kan theihna i hlan nawn fo ang u.
- Vansangzuala Pa, Ngopa