Vai thurualpui zawng ang aw

Hman deuh khan Chief Minister chuan vai hnawhchhuah rûnpui neih a ngaih mai theih thu a sawi a, ka thlawp khawp mai. Sumdawng pawlin sumdawnnaah chimral an hlauh thu an puang ve mek bawk. Vai thurualpui zawngin kut kan thlak tawh mai dawn a ni ang?

Mizo sumdawng pawl Mizoram Merchant Association (MIMA) chuan sumdawnnaah chimral hlauin theihtawp a chhuah mek a; chutih lai chuan, hnam dang thurualpui an la tam hle tih an puang ta hial mai. Beng sika ngaihtuah a ngai ta.

Veng hrang hrangah iron rod, balu leh cement zuar an awm a, a nghaktute chu vai an ni. Check ta chiah ila, Mizo hmeichhe hming emaw, mipa hming emaw hmanga dawr hawn a lo ni ta zelte hi kan check-in kut kan thlak ngam dawn lawm ni? Tharum hmanga kut thlak erawh a ṭha kher lo ang. Vai dawr tih hriat reng, Mizo hminga siam chu a veng neitu YMA-te’n kharsak hmiah hmiah mai se tih hi ka duh dan a ni.

Heti reng renga hnam dang kan dah ngampa hi a dik hian a dik thei hlawl lo. Vai hming hawhtirtute hi a list pho chhuah hial an chakawm. Mahni hnam hralhna lian tak a ni tih inhre ve se a ṭha ngawt mai. MIMA hian hnatlang huaihawt se, YMA branch tinte’n pui ila, Mizo hming si, vai dawr reng reng kalh vek ila eng nge pawi. Min chimralna tur kan veng lawk a ni ve mai alawm.

Tun hma kha chuan vai huat kha a nasa viau a, tlangval ninhleite khan kut an thlak zen zel a; a ṭit pawh an ṭi ṭhin hle a nih kha. Infuihpawrhna ni loin, khang hun lai kha a eng emaw ṭhatin a ṭha ve riau. Mahse, tun angah chuan khatianga Taliban kha chu a chi ta vak lo.

Engpawhnise, sumdawnna leh thil dangah kan dan beh thiam a ngai ta hle mai. Vai hming hawhtirtute pawh inngaihtuah chiang hram se. Sum duh leh hlawk duh vanga mahni hnam hralh an ni tih hi an inhriat a ṭha a, chuta tan chuan LC/VC-te leh YMA branch-te’n hma han la hram se a duhawm khawp mai. Tharum lian zawk a chhuah hma hian.

Mizo hmeichhia, a ruka vai thurualpuia sumdawng ho pawh hi ṭim deuh chu an ngai dawn a ni. Hetiang kawngah hian Mizo mipate pawn mit leh beng lên deuh teh ang u khai.

Chief Minister Pu Lalduhoma pawhin Sakawrdai YMA Inkhawmpui Lianah ILP uluk taka kalpui leh vai hnawksak chungchang a sawi chhuak leh hial a. Ani pawhin chimrala kan awm loh nan theihtawp a chhuah a, a lawmawm tak zet. YMA-te min sawmna pawh kha hre reng ila a ṭha hle ang.

- Lal Khirhvela