Milar leh politics

A sapṭawngin ‘necessary evil’ an ti a. Mamawh si, ṭha si lo hi a ni awm e. Tun hma deuh khan kan rama pawl indin hian pensioner tih tur hre tawh lo, fing la inti site hi a langsar laiah an hmang chawk a. Political party-te pawhin milar hmingṭha deuh chu an ûm zui a, MLA ticket an pe ngawt zel a. Heng hi kan kalphung kha a ni ṭhin a, a la reh lo fo. Zan khat thil thua politician nih ngawt hi ram hmelma a ni. Politics hi chu a mualah hun rei chen chilh a ngai, ram hian a chhawr zawk fo.

Central-ah khuan Bollywood mi lâr eng emaw zat an MP tawh. Chuti taka ramin a chhawr zui an awm lem lo. Hollywood aṭangin Ronald Reagan leh Arnold te an lar, awmzia an nei. Veteran politician-te hi sihal ang ngawt an ni hran lo va, ram hian awmzia a neihpui zawk. Modi, Amit Shah, Rajnath Singh, Mallikarjun Kharge, Nitish Kumar, Nitin Gadkari, Indian transport policy maker, adt. sawi tur an tam ang. India ram hmangaihtu vai pachal chal tliang hlurh khawpa politics luhchilh tawhte hi an ropui.

Mi lâr nazawng hi ram hruaitu atan i seng lut lo vang u. An lâr dan technology lam emaw, economist te an nih ngawt loh chuan. A zaithiam, a lâm thiam, thusawi a thiam, a hausa tih vel hi party hruaitute hian buaipui tawh lo se. A ni hi a dik, a rintlak, a thiamna ramin kan mamawh tih lam hi hawi ang u. Awmze nei lo politician, MLA ni leh ringawt ṭhinte hi kan kham hlei hlui tawh.

- Rosangzela, vh