Mizoram sum hmuh tur a tawmim
India ram states dangte ni tin khawsak phung te, an thlatin khawsak phung leh an kum tin kalphung thlirtu te tan chuan keini Mizoram state dinhmun erawh chu a danglamin, "kan danglam bik tur" em ni ang le ?
State dangte aia Mizoram kan danglam dan hi chu sum harsatna lamah kan danglam! Mizoram Sorkar Sum @ State Budget Sum atanga hmanral ngai zat 84% hi chu State Sorkar tan liau liau. State Budget Sum atanga 12% chauh hi mipui hawi thei zat pawh hi Sum Tawmim kan la ti lo fo.
Mizoramin ni tin, thla tin leh kum tin maia kan chân, kan hloh tam ropui em emzia hi chu aw! Central sorkar sum liam zawih zawih zu thal ve thei lova kan tawmim bik tlat hi!!!
India rama sorkar laipui kan tih, Central Government sum bawm awmna Delhi atanga state zawng zawng tana zu thal ve theitu tura a ruat zingah keini Mizoram chhunga NGO/society kan tel ve tih hi Mizo mipui tam takin kan hre ve kur si a. Eng vanga Mizoram sum hmuh tur tawmim reng mai nge ni le? Hei tak mai hi Mizo mipui titi tam ber leh kan inzawh huai huai tak mai chu a ni!
Mizoram state sorkar sum cheng khat mah hman ṭhen ngai si lo, state government sum cheng khat mah bo dawn bawk si lo, Mizoram mipui pawlhote sum hai luh ve theih ni si, a tawmim lai tak hi thil manganthlak tak a tling.
Sorkar laipuiin, Central Government atanga states sorkar hriatpuina hmanga hmasawnna tura mipui pawlho NGO/society tana sum tam tak tawmim tlat mai hi Mizorama tu party rorelna hian nge hawng ngam ang le?
Congress (I) party, MNF party, ZPM party, PC party leh BJP ho zawng zawngte hi chuan a hai hawn dan leh hmasawnna tur sum tawmim chhan hi an hre tak zet a; ram mipui tam zawk hian kan hre si lo a ni.
Delhi tlanga Central sorkar lam hi chuan Mizoram NGO/society tana sum tihtawmim tlat reng hi pek a chak khawp mai a. State sorkar hnenah hian Rs. 90 nge Rs. 10 hi tam zawk le tih a zawt fovin a rinawm.
Kan ZPM sorkar hian tunah hian Mizoram NGO/society ho tan hian he sum tawmim hi han hawng thut mai se chuan mipuiah sum lengvak a tam ang a, Mizorama kan NGO/society hote an thaw huai bawk ang. Delhi tlanga sum liam zawih zawih khu zuk thaltir chur chur mai teh se la chuan, an ti fuh ngawt ang le. Kum 2028 khi an ban tlang rawk lo vang tih a sawi theih loh.
- F. Vanlalpeka, IMCS Aizawl