Mo nih hreh chhan ka hria

Mizo kan ni emaw, vai leh eng hnam pawh nupui pasal innei a, chi thlah pung tura khuanu ruat kan nih kan hre vek. Mahse tinge Mizote hi nula senior pui pui, pasal neih an duh loh tih hi chhut tham tak a ni. Pasal nei loa leng ṭul ta an tam khawp mai.

Kan hnaivaiah Vai pasal nei, an nu leh pa mai bakah a pasalin a tih duhdah vanga mahni inthat hriat tur a awm chawk. Mizoah pawh hetiang deuh pawh hi a thleng ve zeuh tawh mahna. Mo nih hi an va lawina chhungkua a zirin an hlimin an hlim lo thei. Hrehawm taka Mo ta hram pawh an tam viau ang.

Mizoah Mo nih chak lohna emaw, pasal /hen hial duhna awm /hin hi eng vang nge ni ta ang? A chhan ber chu mipa nep vang a ni tlangpui. A dang lehah chuan Mo senior-te vanga nuam ti lo an tam hle bawk. A chhan lehah chuan an pasala nu vang a ni pakhat bawk. Hei hi a chhan lian tak pawh a ni ang. a ṭhen tan chuan an pasal farnute vang pawh a ni thei.

Mahni fapa ten an duh ngawih ngawih an Mo lakah hmeichhe tam tak chu an rilru put hmang a dik loh vang a ni chawk bawk. Nu tam tak chu Mo lakah an luling fo /hin. Engkimah Mo ve mai mai tih ena an en vangin Mo khan a pasala chhungte hrawn a hreh phah em em /hin a, indan pui vat anih loh phei chuan a hmangaih a pasal leh a fate pawh chhuahsan duh khawpin a pasala nu (A nuhrawn) khan a enhran /hin vang a nih duh viau.

Mo senior dah lal bikna pawh hian a Mo junior zawk a ti lungawi lo fo a, chu chuan Mo junior nun a ti khaw lo /hin bawk. A pasal hmangaih hle mahse a nuhrawn leh a Mo pui senior zawkin an en dan a dik miau loh chuan a tan kha inchhung (chhungkua) kha hremhmun pa te a ni ngawt /hin a, pasal /hen duhna a lian thei hle.

Mo neitu nu khan fanu a nei ve fo /hin ang. A fanu va lawinaah khan nuam a ti lo ve thei tih hriatpui an tum lem lo. An Mo lakah /hat chhuah miah lo nu tam tak zu awm a maw le. Hei vang hian pasal duh mahse mi Mo a /an kha thih hrehin an hreh thei. An inneih zawhah indang mai tur ni se chu pasal neih an hreh hauh lo tur an tam khawp mai.

A lehlamah chuan Mo kawlh leh sual an awm ve tho mai. Pasal chhungte mahni chhung anga en duh miah lo an tam ve mai. Chung Mo sualte avang chuan chhungkaw nun nawm lohna a thleng ve fo a ni. Pasala chhungte ngai thei miah lo, ama chhungte lo ti leh hurh si Mo zingah an tam ve a ni.

Mo nih hrim hrim hi thil nuam a ni bik hauh lo a, mipa aiin hmeichhi hi an pachang a, mipa hian tluk lo tak kan ni. Chhungte kalsanin mi chhungte va finin an in pumpek a ni ber a, chuta chhapa a pasal chhungte laka a tlaktlum loh phei chuan hremhmun pate a ni ringawt. An fakawm zawk ngawt mai. Hmeichhe tam tak chuan pasal neiha indan nghal theih ni se chuan pasal an nei duh em em ang. Mihrang hrawn mawlh kha an hreh chhan a ni pakhat ang.

I Mo lakah enge i rilru puthmang, i pasala chhungte lakah eng rilru nge i put? tih hi zawhna awm thei a ni.

- Lal Khirhvela