Khuang vawtu mipa naupang tê kha

Krismas lo thlen apianga Krismas hla kan chhuah ve ziah chu, "The Little Drummer Boy" tih hla hi a ni ngei ang. Mi hrang hrangin nalh tak takin an sa a, Krismas ti-krismastu ber pakhat a ni ti ila kan sawi sual awm lo e.

He Krismas hla ka ngaihthlak apiang hian Pathian ropuizia leh mi zawng zawng tan Lal Isua hi a lo piang a ni tih ka hriat chhuah phah ṭhin a. Zak lo leh inthlahrung hauh loin Lal Isua pian cham hi intineitu takin ka lawm theih phah ṭhin.

Mi hausa sum leh pai ngah tak takte chuan Krismas tuka Bethlehem Khualbuk–ran in lema Lal Isua a lo piang lai awmnaah chuan thilpek hlu tak takte chu an lo dah ruih ruih a. A ṭhenin kawrlum nalh tak tak te, a ṭhen chuan naute thawmhnaw man to pui pui te, a ṭhen chuan sum leh pai tam takte pawh a ni ang–an lo dah khawm ṭeuh a. Hlim leh lawm takin Isua pian cham chu an lawm a. An thilpek hlu tak takte avang chuan Lal Isua pawh a hlimin a lawm ve ngei ang tih an hria.

Chutih lai chuan, mipa naupang, khawvawt tak hnuaia kekawr bûl ha, kawrlum ṭha hâk tur pawh nei lo chuan Lal Isua lem awmna Bethlehem Khualbak–ran in lem chu panin, Lal Isua chu chibai buk ve ngei a duh a. Mi chetla chu a thlithlai reng a, mite chuan thilpek ropui tak tak an pe tih a hriain a hmu reng a, a inthlahrung hle.

Chu Krismas tukah chuan Lal Isua tan chuan thilpek pek ve ngei a duh si, mahse, chaw ei tur leh thawmhnaw ṭha pawh a nei si lo. Amah a inen a, engmah a nei lo–a khuangtê tih chauh lo chu! Engtin nge a tih ang? Lal Isua tan chuan thilpek pek ve ngei a duh si a. Inthlahrung takin Lal Isua hnenah chuan mipa naupang rethei ve tak a nih thu a hrilh a, mahse, a neih chhun khuangtê erawh mawi tak a lo vuak riksak a duh thu a hrilh ta a. Tichuan, a theihtawpa mawi leh nalhin Lal Isua tan a khuang chu a vaw ta a. Eng nge lo thleng? Lal Isua chuan hlim tak maiin a lo nuih a nih kha! Amen! A va ropui em!!

Nang leh kei hi mi rethei tak, thilpek hlu tak pek ve tur nei lo kan ni tih hi Lal Isua hian a hre chiang em em a. Kan neih chhun kan thinlung hi a zawng zawnga Ama tana kan hlan phawt chuan, sum leh pai leh thilpek dang hlu tak tak te hi Lal Isua hian a lo phût rêng rêng lo. Kan

thinlung hi atana kan hlan a, Amah kan fak phawt chuan hlim takin min lo nuih let zawk ang a, Lal Isua tinui theitu kan lo ni ang.

Kan tana nun hlantu, a neih zawng zawng leh a nunna hial min petu Lal Isua tan hian kan neih hlu ber kan thinlung i hlan ang aw? Kawrlum ṭha kan nei lo emaw, kan sualna chu mite'n an ngaidam thei lo emaw, sawi chhuah tlak loh khawpa zahpuiawm nun kan nei emaw, eng pawh chu lo ni ila, Lal Isua hian chung chu a ngai pawimawh lo. Kan thinlung kan pek phawt chuan hlim takin min lo nuih let zawk dawn a ni. A va ropui em!

Mi hausa pui puite kha tuma’n an hre zui lo a, thil hlu tak tak petu kha sawi zui an hlawh miah lo. Khuang chauh nei mipa naupang rethei takin a neih zawng zawng khuang Lal Isua tan a vuak a, a pek avang khan khawvelin he naupang khuang vuak chanchin hi hlaah phuahin, tun thlengin Krismas apiangin kan la sa a, kan la sa zel bawk ang. Miretheite Pathian nih zak lo, an thilpekte rimtuia chhiarsaktu Pathian kan nei hi kan va vannei em! Heti tak a min hmangaih a, a fapa mal neih chhun min pek Lal Isua pian chamah hian kan thinlung zawng zawng i pe ve ang aw?

Lalpa chu fakin awm rawh se!

Come they told me,

Pa rum pum pum pum;

A new born King to see,

Pa rum pum pum pum;

Our finest gifts we bring,

Pa rum pum pum pum;

To lay before the King,

Pa rum pum pum pum,

Rum pum pum pum,

Rum pum pum pum;

So to honour Him,

Pa rum pum pum pum;

When we come.

Little baby,

Pa rum pum pum pum;

I am a poor boy too,

Pa rum pum pum pum;

I have no gift to bring,

Pa rum pum pum pum;

That's fit to give our King,

Pa rum pum pum pum,

Rum pum pum pum,

Rum pum pum pum;

Shall I play for you,

Pa rum pum pum pum;

On my drum.

Mary nodded,

Pa rum pum pum pum;

The ox and lamb kept time,

Pa rum pum pum pum;

I played my drum for Him,

Pa rum pum pum pum;

I played my best for Him,

Pa rum pum pum pum,

Rum pum pum pum,

Rum pum pum pum;

Then He smiled at me,

Pa rum pum pum pum;

Me and my drum.

- Rinfela Zadeng