Thil ṭha tih puanzar chintawk hriat
Sapho khuan tia lawm, mi tin mai khuan mahni aia rethei leh harsa zawk puih duhna hi an nei lian a, an ram economy dinhmunin a zir bawka USA-ahte khu chuan a duh apiangin an ei theihna tur thil ei leh in semna hmun hi a tam khawp a, refugee, zui leh ruihhlo vanga khawlaia vak velte leh kal remchang tam takin heng hmunah hian tuk-
ṭhuan, chawchhun leh zanriah an ei mai ṭhin an ti. Hengte hi an inpuang lar lo a, heti hian kum tluanin thil ṭha hi an ti a, hnathawk nghet tam vak lo neiin ‘volunteer’ intiin
Mizorama thil ka vei na rei tawh chu kan thil ṭha tih kan puangzar nghal thuai thuai hi a ni. YMA meuh pawhin hei hi a ching tawh a, chuvangin pawl dang leh TV lama programme siamtute phei hi chuan an lo puang zar uar deuh a nih pawhin dem theih an ni lo.
Tun hma chuan khaw khata rethei deuh chenna in tur hi chu an sak sak mai ṭhin tih kha a ni. Tunah chuan in hi an sa mai tawh lova, an puangzar zel a, tichuan khaw pakhata an thil
ṭha tih chu khaw tin hriatah chanchinbu leh TV ah an han puang a. Tlema chinchang hre lo deuh phei chuan an insak sakte hmingte kha an han tilang tel a, hei hi chu pawl chawimawi paha an khuaa rethei tihmualphona ang vel a ni.
Krismas a hnai leh tawh a, mi tam tak chuan rethei
ṭanpui tur an zawng leh dawn. Ngawi renga rethei ṭanpui chi pawl an awm a, an kalna apianga video camera keng tel chi leh puanzar theihna apianga puangzar chi an awm leh dawn. A
ṭhen chuan an ṭan-puite kha an hmel tilang vekin TV-ah an interview ang a, rethei tan duhthlan theih a ni si lova, thilpek petu lamin TV-a lan an chak chuan a dawngtu tan hnar theih a ni lo.
Krismas-a thilpek pe tur zawng zawngte u, ngawi rengin lo pe mai teh u. A dawngtu lamin an dawng anga an lawm ang. Mi zawng zawng hrilh duh suh u, in Pa Vana mi khian a hmu tho ang. Mahni pawl tihlar tumna, mahni TV programme tih-lar tumna, mahni inpholan tumna rawng- kai a nih chuan midangte retheihna hmanga remchang zawng mai i ni tih inhre reng la, thil ṭha ti nasa puanzar tum lo hi ringtu chu sawi loh ring lotu zingah pawh hian an tam teh a nia.
- Ramliana Zadeng