Aizawl Municipal Corporation

Aizawl Municipal Corporation (AMC) hi eng atan nge din a nih a, eng nge a tih tur? Kum 2010 khan din niin, kumin hian a kum 16-na a hmang chho mek a; AMC pawimawhna leh ṭangkaina hi mipuite hian eng angin nge kan hmuh tih hi zawhna pawimawh tak a ni.

Local council u awrh leh MLA ni tura inchher hriamna ang mai maia AMC hi kan hmu a nih chuan a dik lo ang. A nihna takah chuan AMC hi Aizawl khawpuia chengte khawsak phung hmasawn leh nawmna tur ruahmana hmala tur atana din a ni a, chu chu Aizawl mipui leh AMC-a rorel tura kan thlan councillor-te pawh hian an hriat chian a ngai a ni.

AMC website (https://amcmizoram.com/page/mi...) in AMC tih tur leh hmathlir (Mission-Vision) a tarlan danin, AMC-in a mission leh vision ber chu Aizawl mipui tana khawsak nawmna siamsak/pek (to provide the basic amenities to the general public of Aizawl city) a ni a, AMC mission-vision hi chi 9 a awm a ni.

AMC mission-vision

1. To provide basic civic amenities in the jurisdiction of Aizawl Municipality.

2. To collect tax and non-tax revenues.

3. Issue of Shop Licenses.

4. Maintenance of Public Places like, Parks / Gardens, etc.

5. To provide access to Socio-Economic databases

6. To provide Citizen Centric (Govt. to Citizen) services, E-Governance applications.

7. Market access and E-commerce

8. Generation of employment

9. To use IT tools for sustainable regional development.

Heng thil 9-te hi AMC mission-vision an ni a, kum 2010-a din AMC hian Aizawl khawpui tan eng thilte nge a tih tawh a, a ṭangkai tur angin a ṭangkai em tih chu a mi chenga te hian kan hre chiang a. Tun aia chak zawka a tih turte a tih theih nan eng nge a mamawh tih chu state sawrkar hian a hre ngei bawk ang.

AMC mission-vision tihlawhtling zawngin AMC hian hma a la em, hna a thawk em tih hi AMC hotu te, sorkarna chelhtute’n an infiah reng tur a ni a. Inenfiah se, hma an lak ṭhatna te, an hniamna laite an hmu thei ngei ang. Tunah hian mi tam tak chuan AMC hi phurritah an ngai deuh roh a, hetiang ngaihdan hi a reh theih nan AMC thuneitute’n ṭan an lak a ngai a ni.

State sorkara hotu, a bik takin AMC enkawltu UDPA Department hotute pawhin tun aia uluk zawkin AMC hi an vil a ngai a, a ṭul angina an nawr a ngai. Enliam mai mai lovin, ṭha zawka hna an thawh theih nan an vil tur a ni.

- HriatHriati Pa, Aizawl