POWER-AH INTODELH KAN TUM TAK TAK EM? SUM HMANGA HYDEL PROJECT SIAM NGE AN TUM HYDEL PROJECT HMANGA SUM SIAM?
Brig. T. Sailo khan power-a kan intodelh theih nan Tlawng khuaha power-a intodelh tumin hma nasa takin a la a, a hnua sorkar ten an chhunzawm duh ta lo va, vawiin hi kan thleng ta a ni.
Hydel project parukte hi han bih chiang teh ang aw. A kum aṭang hian tute sorkar lai nge tih chu kan hre thei mai awm e.
1. Maicham Hydel Project:
Kum 1999-ah bul ṭanin Rs. vbc 18.87 estimate a ni.
Kum 2007-ah revised niin, Rs vbc 27.31 ruahman a ni.
A tira ruahman aia a punna hi 44.72% a tling.
2. Teirei Hydel Project:
Kum 1992-ah Rs. vbc 11.43 ruahman a ni.
Kum 1997-ah revised niin, Rs. vbc 18.07-ah tihsan a ni.
Kum 1998-ah revised leh niin Rs. vbc 24.65-ah tihsan leh a ni.
Kum 1992-1998 chhunga estimate punna hi 115.58% a ni.
3. Tuipanglui Hydel Project:
Kum 1996-ah Rs. vbc 19.35 ruahman a ni.
Kum 1997-ah Rs. vbc 29.85-ah tihsan a ni.
Kum 2000-ah Rs. vbc 37.21-ah tihsan leh a ni bawk.
Kum 1996-2000 chhunga estimate punna hi 92.29% a ni.
4. Kau-Tlabung Hydel Project:
Kum 1996-ah Rs. vbc 21.81 ruahman a ni.
Kum 1998-ah Rs. vbc 25.18-ah tihsan a ni.
Kum 2000-ah revise leh niin vbc 32.53-ah tihsan leh a ni.
Kum 1996-2000 chhunga estimate punna hi 49.15% a ni.
5. Lamsial Hydel Project:
Kum 1996-ah Rs. vbc 4.45 ruahman a ni.
Kum 2000-ah revise niin vbc 8.31 ruahman a ni.
6. Serlui-B Hydel Project:
Kum 1999-ah Rs. vbc 85.81 ruahman a ni.
Kum 2005-ah ennawn niin vbc 135.20-ah tihpun a ni.
Kum 2007-ah revise leh niin vbc 191.13-ah tihsan leh a ni bawk.
Khaikhawmna:
Heng hydel project-te hi power tam tak pe chhuak thei lo leh lian lo te te an ni hlawm a, kan sum sen erawh a hun lai ngaihtuahin a tlem chhe lo viau hlawm.
Kan tun dinhmun thlir hian, sum hmanga power siam chhuah aiin hydel project hmanga sum siam kan tuipui zawk a ang riau a ni. State pawn aṭangin power lah chu kan la lei tluk tluk mai si a. Power-a intodelh turin ZPM sorkarah mipuite’n beiseina sang tak kan nei mek, thlir zel phawt ang.
- H. Rochungnunga