MUHCS 2.0 leh Pensioner

Nikum 2025 khan MUHCS 1.0 kha kan nupa, civil pensioner ve ve chuan kan zawm ve a. Chhiatni/ṭhatni fund ang deuha ngaiin zawmtu ni chunga hmang lotu nih kha duhthusam a ni zawk e, tiin rilru hahdam deuhin kan awm a ni. Kan chhungkuain MUHCS hman ngai lova kan awm kha kan lawm hle a ni.

Tunah kum 2026-27 atan MUHCS 2.0 a lo chhuak a, an experience thlir chung leh sorkar sum dinhmun ngaihtuahin a tlo (sustain) theih dan tur ngaihtuahin keini ang pensioner te zawm ve dan tur chungchangah tlemin an her danglam hret a. Pensioner nupaa zawmtu tan chuan kan Med Allowances thla tin Rs 1,000/- hmangin kum khatah inenkawlna senso Rs. nuai 24 thleng a huam thei dawn hi a va lawmawm tak em. Kan hmang miah lo a nih phei chuan duhthusam a ni nghe nghe.

Pension tawh hnuah damloh nikhuaa kan inenkawlna tur healthcare scheme ṭha tawk kan medical allowances hmanga sorkarin min siamsak hi a hlu tak zet a ni.

Hetiang hi tun hmaa la awm ngai lo a ni a, lawmawm tak a ni.

- Nemtea, Pensioner