Naupang tân Sâp skul

Khawsak dân a lo danglam ta. Hna pawimawh leh ṭha kamdinna nei tur chuan lehkha thiam a ṭul a, chutah pawh chuan Sâpṭawng thiam a pawimawh zia kan hre ta. Miin lehkha thiamin, BA lai pawh ni mah se Sâp ṭawng a thiam a ngai tlat mai le. Officer tê leh clerk babute tan pawh fate Sâp ṭawng thiam a ngai tlat ta mai. Fate Sâp ṭawng thiamtir a ṭul ta. Tih dan ṭha ber chu fate local Sâp skulah luhtir a ni ta. Sâp ṭawng i thiam viau loh chuan, i fate tan hna lian thawh i thawhtir lo vang – Sâp ṭawng i thiamtir a ngai ta a ni. Fate Sâp ṭawng thiamtir nan naupang tan Sâp skul kan siam ta hlawm a, zirtirtu Sâp ṭawng thiam lain naupang tan Sâp skul kan hawng ta thluah mai maw!

Mahse a skul hmun tur kan nei lo. Han zawt kual ila, “Kulikawn veng mawngah,” tih te, “mi in pindan pêng luahin Mission Veng …”, “Dawrpui veng sirah…” tih te a lo ni ta a. Skul ṭhenkhat chu ruah a sur hlek chuan lei min, lei tawlhin a tihbuai theihna laiah te a ni hlawm a. Sâp skul han dahna âwmah an awm hlawm lo. A manganthlak hle hlawm a ni. Nula, tlangval lehkha thiam pui puite chu an skul hmun kan hmuh mai atan an chhuanawm lo. Chu'ng skula zir te chu an khawngaihthlâk zawk a ni.

Tunah hian A.R. in kan khawpuite an chhuahsan mêk a, chutiang hmun remchangte chu kan Sâp skul atan hian kan pe phal lo'm ni? Hall lian leh Bazar lian dah nan kan khêk em ni? A nih chuan kan tifuh lo hle ang. Chutiang atana “reserve” loin Sâp school atan hiam i hmang zawk teh ang. Kan tifuh hle zawk lo ang maw?

- J. Malsawma, (Thanpuii Pa)