Thingtlang an fai fe zawk
Aizawl khawpui mai bakah Zokhaw lamah nasa takin faina beihpui thlak a ni a, Aizawl aiin thingtlang khawtin faina kawngah an fakawm fe zawk. An in enkawlna a /ha zawk a ni ngei ang.
Aizawl hi mitin mitang pemkhawmna khawpui a ni a, a cheng hlunte aiin pemkhawm ho hi zirtir an ngai chawk. Tunah phei chuan hnam chekhnawk thlengin an rawn pemlut a, heng ho hi zirtir an ngai nasa khawp mai.
A mihlun inti hoah pawh faina kawnga hmala lem lo, kan /awphnawkte tukverha thehchhuak a, luikawra tling tun khawpa che pawh an la tam hle. Heng bawlhhlawh kan paih hian kan tui tlan mek a ti bawlhhlawh hle a ni tih kan hriat fo a /ha.
Thingtlangah chuan an luikawr thlengin a fai em em tawh a, naupang a/anga zirtirna an dawn /hat vang pawh a ni awm e. Khaw /henkhatah phei chuan naupangin khawlaiah bawlhhlawh hmu se an chhar a, bawlhhlawh bawm hnai berah an paih /hin. Hetiang hi kan khawpui Aizawlah chuan Veng tlemteah hmuh theihin an awm. Naupang kan zirtir /hat poh leh generation lokal leh tur hunah chuan kan fai ve tawh viau a rinawm.
Aizawl khawpui hi han sawi leh /hin i la, bawlhhlawh kan ngah em em vek a, a paih kawngah a enkawltu ber Aizawl Municipal Corporation tan pawh phurrit a tling ta hle mai. Bawlhhlawh kan ngah em em chhan pakhat chu online hmanga thil kan chah ho funna (packing) hi a ni. Mahni compound ah tihralna kan nei tawh si lo a, building-in a khat vek tawh mai si a, a manganthlak ta khawp mai. Online-in mamawh kan chah lo thei bawk si lo.
AMC hian a paihna an neihte hi a beitham ta hle a, /awih thei chu lei/ha ah an siam a, hei hi a /ha viau. State dangah pawh hetianga bawlhhlawh hman /angkai hi an chinna a lo rei tawh hlawm hle a, lei/ha ah chantir zel hi a finthlak khawp mai.
AMC lam chuan tunhnaiah state Sorkar a/angin a halralna khawl an dawng a, mahse environment clearance an la neih loh vangin an la hman /angkai theih loh thu an sawi a, clearance te han tifel vat vat se, bawlhhlawh kangral thei tam tak hi chinfel a ngai ta viau mai. Hal khuk hluah hluah chi a ni miah tawh si lo. Kan boruak hip tur tih thianghlim hi kan mawhphurhna a ni si a.
-Lal Rinmawia