5G signal leh 'Chawlhni sa hmeh' politics Zemabawk West LC Thlirna
emabawk West Local Council inthlan result hian Mizoram politics-ah 'signal' thar a rawn kap chhuak chiang hle mai. 5G signal man phakna hmun, mipui fing leh changkang tawh takte chuan hmanlai 'old school' politics, "Chawlhni tin sa hmeh" tih ang chi, mipuite hmuhsitna rawngkai zawk mah kha chu an 'delete' hmak tawh tih a hriat hle. Party hrang hrangin mimal ṭha leh rintlak tak tak vawrh chhuak mah se, mipuite hian mimal felna ringawt aiin 'System' ṭhatna leh sawrkar lai nena thawhhona hlawk zawk tur thlang thiam khawpin an ngaihtuahna an hmang a ni.
Seat 5 zinga ZPM-in 4 leh Congress-in 1 an lak lai a, MNF-in 'zero' an hmuh hian thil pakhat a hrilhfiah chiang hle! Tunlai mipui changkang tak takte hian thil thar leh hmasawnna tak tak an duh tawh a, hmanlai 'kamchhuak mawi' leh 'a thlawna dawn/sem' politics kha chu an lo 'buffer' pui peih tawh lo a ni, tih hi?
He hlawhtlinna hian a nemngheh nawn leh chu ZPM rintlakna hi ṭhalai phur thut vanga "wave" awm ringawt a ni tawh lo tih hi a ni. Zemabawk West-ah hian kan nu leh pa, kum upa lam pawhin tun hmaa kan lo hman ṭhin politics kalphung kha a tawk tawh lo tih hria-in, 'kawng thar' sial turin an pen chhuak hlawm a. "Ramin sawrkar rintlak a mamawh" tia kan upa lamin ZPM an thlang thiam tlat hian, kalphung thar hmasawnna hmawr an fawp fuh hle tihna a ni. 'Modern politics' leh '5G mindset' hi ṭhalaite pual chauh a ni lo va, kum upa lam pawhin sawrkar kalphung thar leh rintlak zawk an thlahlel tawh hle tih he inthlan hian a nemnghet chiang hle a ni.
Sub-Village Champion : Khawpui Thlauhthlak, Ramri Kil 'Winner'
Khawpui Aizawl-a Zemabawk West Local Council inthlanah hmun an chang zo lova tih ngawt ai chuan an 'NIL' hnuah ti teh ang–MNF chuan Hachhek biala Sub-Village (Village Council tling lo) khaw hnih—New Kawnpui leh K. Sarali-ah seat 6 lawih an la chu, 'World Cup Champion' ang hialin an au pui ta!
ZPM-in khawpui-ah hnehna 'vawkpui' an talh laiin, MNF erawh minority tamna, hmun kilkhawr lutuka 'kel no' talh ve-in an lawm hliam hliam a ni ber e!
Hemi hian thil pahnih a lantir chu :
Survival Mode: Seat 6 lek an lak pawha "Breaking News" leh "MNF GO GO GO!" an han ti hluai mai hi an beidawn tawh zia leh an dinhmun chhiat tawh zia tarlanna a ni.
Khawpui Thlauhthlak: Politics changkang zawk leh khawpui hmasasawnna kawngah mipui rinna an hloh tawh a, ramri kilah bawk 'Hero' nih an la tum tihna a ni.
Hachhek bial hi MNF 'Safe Zone' a la ni thei hi a lawmawm khawp mai. Mahse, Village Council pawh ni lo, Sub-Village hmun kilkhawr lutuka hnehna an han chan tak avanga 'Breaking News' tihial a an han vawrh chhuak hi chu, a tlawm thlâk deuh chu a ni. An dinhmun hian an 'survival mode' neih chhun an hmatheh tawh zia a tarlang chiang hle a ni.
- Thangtea Thawmte