ASSAM RIFLE RAM CHHUAHSAN HMANNA CHUNGCHANG
Khaw nge Assam Rifle ram chhuahsan hmanna tur chungchang hi tihfel diam tawh niin a lang na a. Vawi khat na reng reng chu duh thu sam in puah chhuah pui ve reng reng teh ang. Mi fing leh fel tak tak te thil ruahmanah pawh a pawp thawl tur lai hi a awm ve fo a nia. Kan hotuten a tlai lutuk tawh an tih pawhin an lo hnawl mai ang a. Kei a kar hian an ti tel lo palh ang tihte hi ka nei ve miau si a. Kan mi pawimawhten an lo chhiar fuh ve mial tak dahah han au ve reng reng ila. Ninawm a ni em lovang chu maw. Tunah chuan a nih dan tur ruangam a lang ruak tawh a, mipuiah tarlanin a awm tawh bawk a. An lo ngaih thah palh ang tih ka hlauh te kan aupui ve ang e.
Pakhatnaah chuan, Lammual hman ni khuaa kan buaina ber pakhat chu mipui kawng kan a ni. Mipui kan in nek nulh nulha, chu chuan traffic jam nasa tak a siam ngei ngei ṭhin. Ruahmanna tharah chuan kawngpui hi zauh tur a ni tih a ni a. Engtia zauva zauh tur nge ka hre lo va. Zauh a nih chuan kawng kan a harsa leh zual ngei dawna, traffic Jam pawh a nasa zual ngei ang. Chuvangin, kawngpui kanna tur ruahmanna, under ground tunnel emaw over ground bridge emaw ruahmanna siam chu tih mak mawh a ni.
Pahnihnaah chuan, Kawngpui zauh a nih chuan Footh path chhim leh hmar zawnga kal te in ti buai lova, thlamuang taka an kalna tur ruahmanna siam ngei ni se la. Tuna kea kalna, mi in hnuai luhna kuaah kan tla thla ang ti hlau reng renga kal na zawng zawng hi tih bo vek ni se. A tawpa zuan thlak ngai lo, naupang leh upate pawh awl tea a kalna tura slope tha taka siam ni bawk rawh se.
Pathumnaah chuan, Zodin Bus stand pahnihte hi sawn ngei ngei a ngai. Kea kala pan ngai, hla si lovah sawn ni sela, traffic flow ti buai lo turin Bus pool tha tawk siam ve ve ni bawk rawh se. Mipuiin bus an panna tur atan Under ground tunnel leh over ground bridge chu a pawimawh zual.
Palinaah chuan, Gate thar Lammual luhna tur hi Lir thei leh kea kal in tih buai lohna tur ruahmanna siam ni sela. Kea kalte luhna turin Gate pali : North, South, East, leh West gate te siam ngei ni rawh se. Heng gate te hi hming mawi tak pek theuh ni bawk se la.
Panganaah chuan, Kum upa, kum sawmruk chung lam te, lir thei eng chi mahin a tih buai lovah zalen taka an walk-na tuar kawng leh centre Lammual east kawngpui thar tur thlangah hian siam ni bawk sela, upate tan chuan a lawmawm ngawt ang.
Paruknaah chuan, Utility Corridor siam ngei a tha ang. A chhungah thil chi hrang hrang dah a ni dawn a, current mamawhna hmun a tam zual ngei mai dawn a, a chung lam a in zam buai nuaih loh nan Utility Corridor siam ngei ni se.
- Commissioner Lalkiamlova