NGO hruaitu ṭhate ziarâng

A suangtuahna leh idea leh a thiamna hmanga thil thar rawt chhuak thiam, original idea hmanga mi lo tih tawh dan ringawt (ngai te te) piah lama original idea hmang ṭangkai thiam, mi dangte’n an tih ngai loh leh nachang an hriat loh ang thilte thlun zawm a, thlirna thar leh ngaihtuahna thar nei a, ramri pangngai pawna ngaihtuahna seng thleng ṭhin mi, mi dangte’n an hmuh hmaih theih thil awmte hmuin, ngaihdan thar leh unique contribution an rawn siam ṭhin.

NGO hruaitu ṭha tak ni tur chuan creative thinking nei ṭha an pawimawh a, an thil thar ngaihtuah chhuah thiamnain pawl a tihmasawnin a tichak ṭhin. Ruahmanna thar siamin, hmalakna thar leh pawlin an thil la tih ngai loh leh tih ṭhin sate her danglamin, hmalakna nghawng nei tak takte an siam chhuak ṭhin.

Pawl hruaitu ṭha chuan thil pangngai ringawt aiah thil awm theite chu an experiment a, an chuktuah khawm a, an siam rem a. Hmalakna hlawhtling tak tak mai ni lovin, tualchhung thil maia tawp ṭhin an programme leh hmalakna te chu khawvel market-ah zau zawkin an thlun zawm ṭhin.

Thil hlui ṭhate (tun hmaa lo tih tawh dan la ṭhate) humhim chung zelin a ṭha lo laite paihin a inher rem thiam ṭhin a. Agency leh hun rei tak chhung atana hlawhtlinna kawng thar a hawng ṭhin a, hun remchangte a hmang ṭangkai thiam ṭhin.

Khawtlang dinhmun leh khawtlang mamawh hi hun kal zelah a danglam ṭhin a. Chuvangin, a hun leh hmun azir zelin NGO hruaitu ṭha chu a inthlak danglam thei tur a ni a, a ṭul hunah an strategy siamrem duhna an nei tur a ni.

- Peki