Hnehna chu Lalpa ta a ni

Tunlai khawvela thil lar ber leh, mitin min ṭhawngtu chu China rama natna hri hlauhawm tak leng mek Conoravirus hi a ni awm e. Khawvelin a buaipui a, a natna lah a darh chak a. Thla khat chhung lekin khawvel ram hrang engemawzat a tuam hman a ni. 

India ramah pawh Kerela State-ah chuan he natna hi hmu chhuah a ni a, Mizoramah erawh chuan tun dinhmunah chuan hmuhchhuah em thu chu kan la hre rih lo. WHO te pawh an inring hman lo, a pung chak em em a, mi 500 velin an thihpui tawh a ni. Tunah chuan Lockdown area-ah ringawt pawh mi 16678 in an kai tawh a, khawvel ram hrang hranga an hmuh­chhuah zat pawh mi 24000 lai an ni tawh. 

China ram hi ram zau tak, mihring pawh 138.68 crores lai chenna ram a ni. Khawvela mihring tamna ber a ni a. Hma an sawn chak em em a, America pawh cho thei inhmuna ding an ni. Economy-ah lah an sang chak a, India pawh hian a ngam lo lam chu a ang khawp mai. China ramah hian 85% per. hi Atheist (Pathian awm ring lo) an ni a, Buddhist 10 %, Christian 2.53 %, Taoist 10%, Mus­lim-0.4% vel awm anga chhut a ni a, an Communist ruh hle. 

China sorkar phal chin ang bak engmah Kohhranin an ti thei lo. Khawvel ram lian leh ropui, mihring tamna ber khi Communist an nih tlat avangin christiante tan pawh thiltih a khirh hle. 

Amaherawhchu, Pathian hnathawh leh thiltum hi a mak a ni. Russia ram, America dawttu kan tih maiṭhin, Communist ram pawh tunah chuan Christian zalenna ram a ni tawh. He mi kawngah hian USA hi an ṭangkai takzet. 

USA khu khutiang taka thiltithei leh ropui ni lo se chuan khawvel hi a chiri ngawt ang le! 

America President, hrohrang na tak leh thiltithei tak, Pathian ring tlattu khu Kristiante tan Pathian mi ruat a ni. Trump-a khu khaw­vela Kristianna chawknungtu a ni. 

China ram pawh hi Conoravirus hmang hian Pathian hna­thawh a thleng thei. Pathian thu hi chu thiltithei, khandaih hriam tawn eng ang ai pawha hriam, khawvel ralthuam ropui ber pawhin a ngam loh a ni. Tunah hian China pawh a tlawm ta! An thiamna leh thiltihtheihnain a tlin lo tih an hre ta. America leh WHO puihna lo chuan a che thei lo tih an hre ta. 

He tih lai hian China Christiante chuan a rukin chanchin ṭha an lo hril reng a, ram dang puihna a dil takah chuan nasa zawkin chanchin ṭha pawh hrilh theih a ni ngei dawn a ni. 

China ram, communist ruhkawl tak maiah hian chan­chin ṭha hrilhna tur a inhawng dawn em ni ang? Pathian hian China ramah hian enge thil tum a neih? America ram, khuti taka thiltitheia a siam te hi Pathian hnathawh hi a mak asin. North Korea ram pawh hi ala khawih leh ngei maithei. 

Kan Pathian hi a hun taka che ṭhin a ni. China ram pawh hian mittui nen Lalpa an hriat hun chuan a va ropui dawn em! Mizoram Kohhrante hian ṭawngṭainaa 

ṭan kan lo lak ve a pawimawh! China ram Krista Lalna ram a lo nih theih nan. 

- Reuben Lalnunthara, Hnamte