MIZORAM VC & LC HMUN 12 INTHLANNA

Ni 20.08.2026 (Ningani)-a Mizorama Local Council leh Village Council By-Election hmun 12 neih chu vote chhiar fel nghal a ni. Hmun 12-ah hian ZPM chu hmun 8-ah an chak a, MNF (INC thlâwp) hmun 2-ah chakin, INC hmun 1-ah an chak a, Independent (MNF leh INC ṭangrual pawl candidate) hmun 1-ah a chak bawk a ni.

Rorellai beih rawnna: April ni 21, 2026-ah Aizawl Municipal Corporation (AMC) inthlan a ni a, April 27, 2026-a vote chhiar a nih meuh chuan Party mal ṭheuha ding zingah ZPM chuan Ward 19 awmah Ward 17 a la a ni. MNF leh INC ten Ward 1 ve ve an la pha ṭawk. MNF hian a hma kum 2021 AMC inthlanah Ward 11 an la a, 2026 hian Ward 10 an hloh.

AMC lama ZPM an hneh loh tâk êm avang te pawh a puh theih ang; Aizawl Local Council 8, Lunglei LC 1 leh Village Council 3, a vaia 12 inthlanna turah hmun 9 zetah MNF leh Congress an thawkho a ni.

MNF leh Congress thawhhona result te:

1. Selesih - ZPM chakna 20

2. Durtlang - ZPM chakna 227

3. Republic Veng - Independent chakna 175

4. Dawrpui Vengthar - ZPM chakna 109

5. Zotlang, Aizawl - MNF chakna 31

6. Zotlang, Lunglei - ZPM chakna 2

7. Luangmual - MNF chakna 337

8. Bunghmun (Thorang bial) - ZPM chakna 56

9. E. Lungdar (Hrangturzo bial) - ZPM chakna 169

Thawkho awm lohna party 3 inkhinna te:

1. Salem Veng - ZPM chakna vote 682

2. Bungkawn - ZPM chakna vote 255

3. Bilkhawthlir - INC chakna vote 66 MNF leh Congress te thawhhona tun LC/VC inthlanah hian khua leh veng pakua (9) a ni a, heng khua leh veng 9-ah hian ZPM candidate-in hmun 6-ah INC leh MNF ṭang dun hi an hneh a ni. Ṭangrual INC leh Congress te hian an thawhhona bial 9 aṭang hian bial 3 chauhah hnehna an chang a ni. (i.e. Republic, Zotlang leh Luangmual) INC leh MNF thawhho lohna hi Aizawl LC 2 leh Village Council 1 a vaiin pathum (3) chauh a awm a. Heng thawhho lohna Aizawl LC 2 (Salem Veng leh Bungkawn)-ah hian sâng takin ZPM an chak ve ve. Bilkhawthlir South erawh INC candidate vote 66-in a chak ve thung a ni.

LC/VC inthlan result chu:

ZPM - 8 (Aizawl LC 5, Lunglei LC - 1 leh VC 2 tiamin)

MNF - 2 (Congress ten candidate dah lova an thlawpna ve ve)

INC - 1 (Party 3 inkhinnaah an tling)

Ind. - 1 (MNF leh Congress ten candidate dang nei lovin Ṭangrual pawl candidate atana an dah a ni)

Rorellai ZPM tlin zawh lohna LC 3 leh VC 1 te hi vote inthlauhna en ang:

1. Republic Veng

Ind. - 852 tling

ZPM - 677

Inthlauhna vote 175

2. Zotlang, Aizawl MNF - 676 tling

ZPM - 645

Inthlauhna vote 31

3. Luangmual MNF - 1,031 tling

ZPM - 694

Inthlauhna vote 337

4. Bilkhawthlir South INC - 480 tling

MNF - 414

ZPM - 403

ZPM 3-na a ni a, a tling nena inthlauhna vote 77

Tlipna: April ni 21, 2026-a Aizawl Municipal Corporation (AMC) inthlan aṭanga thla 4 lekah AMC area-ah Local Council hmun 8-ah By-Election neih a ni. Hemi rual hian Lunglei Municipal Council area chhungah Zotlang LC leh Village Council 3-ah By-Election neih nghal a ni bawk.

Aizawl bîkah hian Salem Veng leh Bungkawn tih loh hmun 6 hi MNF leh Congress te thawhhona vek a ni a. Hmun 8-a hmun 6-a an thawkho chung hian hmun 3-ah chauh an chak a, ZPM mal ṭan hi Aizawl LC inthlan hmun 8-ah hmun 5-ah hnehna an chang a ni. Hetia sorkar dinglai sawichhiatna leh beihna tawrh vanglâi taka ZPM te khawpuia an la che ṭha em em hian mipui sukthlêk a hril viauin a ngaih theih a ni. VC leh Lunglei LC, Zotlang hmun 4-ah hian MNF leh Congress hi hmun 3-ah an ṭangrual leh a, an ṭanrualna hmun 3-ah hian ZPM candidate an chak vek a, ṭanrual lohna party 3 inbeihna Bilkhawthlir South-ah Congress erawh vote 66-in an chak nawlh thung. Hetia en hi chuan tun dinhmunah rampum thlirin MNF leh INC boruak kâng emaw, ṭha emaw a la awm hauh lo a tih theih a ni.

Miten thil hlui an lo la hre khiau tihna a ni ber ang chu!

- Zoa Tlau, Buannel Cabin