NAUPANG CHHUANAWM ESTHER LALDUHAWMI HNAMTE

Esther Lalduhawmi Hnamte hi Mizoram pawnah, India ram pum huap platform lian tak takah a inlan nual ta; source hrang hranga chiang zawka tarlante hi pholang lawk teh ang.

■ Ashtalakshmi Mahotsav opening ceremony–New Delhi (December 2024): India ram pum huap event pawimawh takah Prime Minister Narendra Modi hmaah Esther chu a zai.

■ Rashtrapati Bhavan/Pradhan Mantri Rashtriya Bal Puraskar – New Delhi (Dec. 2025): Pradhan Mantri Rashtriya Bal Puraskar a dawng a, President Droupadi Murmu kut aṭangin a dawng. A hla sakna leh a talent avangin national level recognition a dawng bawk.

■ Talkatora Stadium, New Delhi 2023: Esther chuan ‘Maa Tujhe Salaam’ chu live-in a sa. A official YouTube channel-ah pawh he performance video hi a awm.

■ Indian Army/ Assam Rifles ‘Jana Gana Mana; (2021): Indian Army leh Assam Rifles te nena national anthem music video-ah a tel. He video hi India ram pum huapin an en nasa. A release hnuah kar khat chhungin 3 million aia tam thlirtu a nei hman.

■ ‘Vande Mataram/Maa Tujhe Salaam’ (2020): Kum 4 mi a nih laiin a cover video chu India ram pum huapah a viral a, Prime Minister Narendra Modi leh AR Rahman te pawhin an ngaihven hle.

■ Amit Shah hmaah–Aizawl (15 March 2025): Hei hi India ram pum huap mi hmaa performance anga pawimawh a ni. Union Home Minister Amit Shah chu Esther-I’n a patriotic song sak avangin a hîp hle a, guitar a pe hial.

■ January 5, 2026 khan Mumbai-a Ambani te Antilia-ah ‘United in Triumph’ tih event-ah Esther Hnamte chuan ‘Teri Mitti’ tih hla a sa. He hun hi India men’s leh women’s cricket team chawimawina programme a ni.

■ Miss Universe India 2026, Jaipur (August 2026): Miss Universe India 2026 Grand Finale chu August 23, 2026, khan Jaipur-a Zee Studio-ah neih a ni a, Esther hi performer angin a tel a, ‘Made in India’ a sa. India ram pum huapa a perform tawh zawng zawng hi complete official list hmuh mai a har a, ThePrint pawhin ‘bigger stages across different parts of India’ ti chauhvin a sawi.

Esther hi Lunglei, Mizorama mi naupang, national level-ah pawh hriat hlawh tak a ni a. 2026 January-ah Pradhan Mantri Rashtriya Bal Puraskar a dawn avangin Mizoram Governor-in a fak hle. ‘Maa Tujhe Salaam’ a sak viral avangin 2020 aṭang khan media-te ngaihven a hlawh hle.

Mizoram hian India ram pum huapah a chhe zawnga lârna nei nual ṭhin mah ila, zai leh lam, rimawi leh infiamna, miss contest, sipai huaisen, award hrang hrang, etc. ahte hmingṭhatna tam tak kan khum ve mek bawk. Estheri anga naupang lâr leh talent nei ṭha hi India ram pum huapah pawh an tam lo. Chuvangin, kan ram tana ro hlu leh chawimawi tlakte hi hlut thiamin i chawimawi zel ang u.

- Dr. C. Lalrampana