DRIVER LEH A BULA ṬHU SEAT BELT HRÈN CHUNGCHANG

Driver-te leh an bula ṭhute’n seat belt an hrêng tur a ni tih thu hi India ramah thil thar a ni lo. PIL theh luh vanga Supreme Court-in tun hnai September 9, 2026-a Jothydev v. Union of India-a ngaihdan a siamah, dan kimchang ṭha tak–Motor Vehicles Act, 1988 Section 194B leh Central Motor Vehicles Rules (CMVR) a awm reng tawh avangin, thu pek thar a hran a hraia tihchhuah chu ṭul a ti lo a ni.

Amaherawhchu, "Seat belt hrên hi tih dan phung pangngai tur (formality) mai ni lovin, nunna ven himna hmanrua (life saving device) a ni zawk mah," tiin PIL theh luttu chu seat belt hman chungchang emaw, he dan hman leh hman loh chungchang emaw hi dan tlakchham vang ni lovin, law and order chungchang leh traffic discipline a ni zawk," tiin a hrilh fiah a; zalen taka Ministry of Road Transport hnena theh lut (leh) turin a lo ti a ni.

Hemi rual hian lirtheia naupangte himna leh lirtheia chetsualna a thlen palh thulha lirtheia chuangte tana damdawi han pek vat tur (first aid system) chungchang pawh sawi lan a ni bawk.

Court sang bera thu theh luttu zunthlum specialist hian advocate Wills Mathews ruaiin, lirthei tam takah hian seat belt invuahna turte a awm reng chunga seat cover vuah vanga thup bo emaw, hman theih loha awm daih ta te emaw, leh first aid box-te pawh awm ṭhin awm ta lote hriat tur a awm avangin, hetianga dan pawisak lohna hian lirthei chetsualna a thlen palh thulhah passenger-te tan a him lo em em a, nun a tiderthawng a, thihna hial a thlen phah thei a ni tih te pawh he PIL-ah hian sawi lan a ni bawk.

Comment

A hranpain Apex Court hian thutlukna (verdict) siam lo mah se, dan lo awm tawh sa hmang tura (Mizoram tan bik pawh) thupek thar a nih avang leh, he thupek zawm hi lirthei khalhtu leh passenger-te tana zawkna a nih avangin, kan driver-te leh an bula ṭhute’n zâwm vek se an inchhîr lo vang.

- Dr J.T.Vanlalngheta,

Advocate,

Writer's Lexis & Law