‘PE’ MAWLH MAI HI

All India Radio, Akashvani, Aiawl hian zan dar 6:30 leh zing dar 7:30-ah chanchin thar an puang ṭhin a; ‘pek’ chaknaah hian an tuihâl huam huam a ni ber e.

‘Zirtirna pe’ tih leh ‘hremna pe’ tithe hi an hmang rim tlauh tlauh hle mai. ‘Pe’ (to give punishment, to give teaching) tih thu tel lo hian chanchin thar puan a awm ngai meuh lo. A tisa put lai khan kan Lal Isua khan, ‘A ram chanchin’ hi mi hnenah a zirtir ṭhin a, ‘Zirtirna a pe’ tiin Mizo ṭawng Bible-ah kan hmu lem lo. Zirtirna pektir kan châk ang chu!

Pêk châknaa khat ṭhangtharte ‘pe’ tih nena sawi zawm tur thu dang an la dap belh zel ang em? A thlawna mipui hnena dawn tur NLUP leh SEDP te political party-te’n an zawrh hnu hian ‘pek’ châkna hian kan khat ta mai em ni dawn le?

Zirtirna hi ‘pe’ kher loin ‘zirtir’ mai se, hremna pawh ‘pek’ kher ngai lovin ‘hrem’ mai teh se.

- Huna Kawlvawm