Seat-belt hrên chungchang

Kan sorkharin motor accident a awm nikhuaa passenger-te him nân hmalâkna tur a ngaihtuah a. Motor-a chuangte'n seatbelt hrêng ṭhin tura thu chhuah a siam hi, dan anga hman a nih hmain mipui tana harsatna awm thei tur ka lo sawi ve lawk ang e.

Traffic Police-in seatbelt hrêng leh hrêng lo an check chhungin ni tina kan harsatna awm sa, traffic jam a nasat phah ang a. Mipui hnen aṭang erawh chuan ni tin pawisa a luh hnem phah hle ang.

Mizoram khawpui chhûngah hian a tlângpuiin motor tlân chak zâwng 30 km/h or 40 km/h a ni a, hei aia chaka tlân an awm vak lo va, khawpuiah lirthei tlân a tam ang hûin accident a tam lo zâwk hle. Seatbelt hrên kher hi a ṭul vak lo.

Accident a tam chhan zawk chu–motor khalh la thiam tawk lo te, zu or thil dang ruih vanga tlân chakte an ni tlângpui. Traffic police-te’n zu rûi chunga motor khalh emaw, dan awm sa zâwm lote lo thlîr ngun ṭhin ta zawk se la, mipui kan him zâwk tho ang.

- Zualtei Nu