New Year 2019

Kum hlui 2018 kan thlah liam ta. 

Kum hluia ka thil tih takte khan min tihrehawm lo va, ka tih tak loh tam takte kha min tihrehawmtu an ni. Mi pawhin an ti tih vangin thil eng mah ka ti ve mai tur a ni lo tiin keimah leh keimah ka inhrilh nawn fo va. 

Ka duhsam thil te chu a tiha ka tih chauh loh chuan a tak an chang thei lo tih ka vawng reng a. 

Ka tana ni ṭha chhuahtir turin ni ṭha lovah ka zam mai ngai lova, nasa takin ṭan ka la zawk ṭhin. Ka nih mek dan chu a ṭha lo tih ka hriat chhuah chuan ka thlak a ngai a ni tih hriain theihtawp ka chhuah ṭhin a, vawiina ka thil tih hian ka hun lo awm tur chu an hril dawn a ni tih ka hre reng ṭhin. 

Ka hmabaka thil lo awm tur kum thar 2019-in engnge mi rawn thlensak dawn ka hre lo, kum hlui 2018 ang bawkin keima thil tihin min tilawmin min tilungngai dawn a ni tih ka hria. Chuvangin, ka hmabak chu a hlauhawm zawngin ka thlir lo va, huai takin ka hmachhawn tur a ni tih ka hria. 

Kum hluia ka tih ang bawkin Lalpa min duhna te tihpuitlin chu ka thil tum hmasa ber a ni ang a, a dawtah chuan ka ram leh hnam leh ka chenna khawvel tan Lalpan min pek ka talent-te chu reserve awm hauh lovin ka hmang ang. Lalpan ka hmaa thil ṭha tih tur mi pek chuan eng anga harsa pawh nise a tih theihna tur min pe dawn tih hriaa ka pawm ṭhin chu ka chhunzawm zel ang.

Ka chenna khaw­vel tinuam a, tiral­muang a, tihlim­tu ka nih lohva tihreh­awmtu leh tiraltitu ka nih chuan Lalpan mal min sawm lovang tih ka hria. 

Chuvangin, khaw­­vela Isua Kris­ta lo kal chhan hre rengin ka theihna zawng zawngin ka chenna khawvelah remna leh muanna, hlimna leh lawmna thlentu ni turin kum thar 2019-ah hian ka bei ang.