AMC ELECTION FREEBIES

VC/ LC, AMC, MLA leh MP kan inthlang ṭhin. Election laia vote zawn nana thil sem Freebies, Sweet takngial sem pawh phal a ni lo. Chutiang bawkin election avanga mipui bum nana development tur thil thar, a tak hmuh tur emaw ruahmanna la awm lo puan leh sawi hi democracy election kalphung a ni lo. Democracy tih bawrhbanna a ni a, ram leh mipuite hmelma a ni. 

AMC kan thlang dawn a, AMC sawr­karna chang tawh Congress leh MNF Party hian an thil­tih tawh sawi se. ZPM hian AMC Municipality thar an kalpui duhdan tur sawi bawk se. AMC Councillor lo ni tawhte tuna ding leh te pawhin an thiltih tawh leh an hnathawh chhunzawm tum dan tur sawi se. 

Ward mipuite pawhin an thiltih tawh aṭangin leh chhunzawm tum aṭangin buklung khai ila. Aizawl Municipal Corporation (AMC) chuhtu candidate tharte hian Aizawl Muni­cipality kal­phung atan leh Ward chhunga an hmalak tum dan chiang takin sawi hlawm se. Chumi aṭang chuan buklung khai bawk ila. Hei hi AMC election kalhmang tur niin a lang. 

Aizawl khawpui mipui hian Muni­cipality kalphung dik hria Councillor amamawh.Muni­cipality nihphung hre reng reng lo Councillor neih ve leh nghuk a, AMC tih ringawt hi thil vanduaithlak ber a ni. Election a nih vanga Political Party te inchuh sosan phul vak hian Aizawl leh Zoramin hlawkna pakhatmah a la hmuh phah lo. Election chhunga mipui bum tumna bungrua dawt tam lutuk hi khawvel demo­cracy hmel-ma a ni.