GOVERNMENT SERVICE SENIORITY

Seniority of a Government servant is a civil right to enable him to know his position in matters of confirmation, promotion or reversion and the Government is legally bound to prepare the seniority list. Harikishan Lal Chopra v. State of Punjab, 1974 SLJ1. 

Kum 1970 vel aṭang khan Sawrkar hnathawkho zingah “Ka senior zawk” tia courta inkhin a awm deuh reng a, kei pawh service chung changah leh thildang lungawi awilohnaah vawi 4 lai ka khing tawh a, ka hneh vek a ni. Hei hi Pathian thu niin ka hria a (dikna zawnna a ni a) chuvangin court-ah ka kal zel mai a ni. Pathian hi rorelna dik duh a nih avangin court-a dikna zawn hi kan tih tur a ni. 

Hman deuh khan Health Department-ah ‘seniority’ avangin an buai vak tawh a, ka lehkhabute ka hawhtir hial a. Vety & AH Department-ah te, Higher and Tech Edu. Department-ah te leh Department dang dangah pawh a awm a. Tunlai pawh hian Department ṭhenkhatah ‘service a senior si lo’ chal lan avanga hmun pawimawha an dah te, a awm ni awm tak a ni. Kei chu hetiang hi dik ka tih loh zawng tak a ni a, khin mai zel hi ṭha ka ti a, court pawhin a ngai pawimawh zel bawk a ni. 

Service seniority-ah chuan Supreme Court case law a awm a. All India reporter-ah, mite inkhinnaah a lang chiang vek a ni. Hemi case ang lova seniority list siam a nih loh chuan a buai zel ang. Supreme Court-ah chuan, “Seniority is determined by date of first appointment in substantive post” tih a ni tawp mai. Chiang zawkin - Seniority shall be determined by the date of first appointment in class, service, category or grade as the case may be G.R Baquel Vs State of Jammu and Kashmir (1970) II S C WR 163, AIR 1970, SC 1376, Hare Krishna Ghosh V State of West Bengal 1980 SLJ 132, Baleshwar Dass V State of UP/1981(1) SLJ 223, 1980, (3) SLR 422 (SC), AIR 1981, SC 41, Vijayadevraj Urs V G V Rao 1982 (2), SLJ 399 

Heng case-ah hian seniority tih dan tur chu Supreme Court-ah an lo rel tawh a ni. Hemi Supreme Court hmang lova seniority list siam chu engmah awmzia a nei lo. Tunah hian ṭawngtheih vang te, hmelhriat neih ṭhat vang te, Party nghen chhan neih ṭhat vang te, hotute tlawn thiam vangte a junior te hmun ṭha leh posting ṭhaa awm an awm nual mai thei. Tin, lo awm laklawh avanga dinhmun pawimawha lo awm sa tawhte tih chet hreh Minister pawh an awm mai thei, dikna (justice) chauh ngaihtuah a approved senioity list ang thlapa tih tur a ni. Approved senioity list kan la siam lo a nih chuan Supreme Court thutlukna anga siam nghal tur a ni. 

Minister leh Secretary/ Commissioner ten lo chhin­chhiah sela, Department buaina ber a nih avangin la siam lote chuan siam nghal se a ṭha ang. Approved seniority list nei tawh sa an awm chuan, chutiang chuan posting kalpui nghal tur a ni. Hei hi dikna chu a ni a, Pathian thu a ni bawk. 

Entir nan: Medical Officer (MO) te zingah seniority siam dawn se an ṭanna Medical Officer an laknaa senior kha en tur a ni. Selection list a senior apiang kha merit list a nih chuan kha ang khan kal tur a ni, a zawm hmasa an awm chuan kawngro a su thei a, sawrkar thu thu a ni ang. A dang zawng a inan vek chuan Assam-ah kha chuan kum upa an la mai, pension hmasa tur an nih avangin. 

Government lecturer-ah hian a senior chu Govt service a a lut hmasa sa an senior mai ang, an kum upat avang leh MA etc an passed hma avang khan awmzia a nei lo. Medical bikah hian Health Ministry a an inkhinnaah Supremme Court thu chhuakah chuan hetiang hian a sawi - “Doctor pakhar company-ah rei ngial a lo thawk tawh a, a hlawh pawh sang tak a ni tawh. Tlai khawhnuah Govt service-ah a lut leh a, mahse Supreme Court chuan doctor lo awm hmasate tumah seniority a hlawh tam vangin a kal khum lovang,” tih an dah kher kher a ni. Service Seniority hi Court chuan a hum tlat a ni. 

Thuneitu lalte hian lo chhinchhiah se, an Depart­ment-ah thil fel lo a awm a nih chuan a zual zel hmain siam ṭha vat se a duhawm khawp ang. Tunah hian Department Court case tam tak nei an awm nuk mai thei, sawrkar tan sum sen thlawnna a nih avangin fimkhur a ṭul thu hlaah ka rawn ziak ve a ni. Ukil ka ni lova  Department Head-a awm ṭhin ka nih avangin ka experience ka rawn sawi a ni. Ukilte cho chhuah nan ka ti bawk lo.