NATIONAL LEH STATE PARTY LIAN TEHNA...

'Mizorama Party lian indawt dan MNF - ZPM - INC - BJP. Aizawl City Party lian indawt dan MNF - ZPM - INC " ti hian ka Wall ah ka post a. Lo helh fe fe an awm bakah, Party lian leh te tehfung hre hauh lo, Politician Senior & Worker, lehkhathiam pui pui kan awm fur avangin sawifiah ila.

National - India ram pum Party lian tehna chu Lok Sabha General Election neih a, Party te MP neih zata teh a ni. Parliament rorelna kalhmang pawh MP ngah Party te ngaihdan ngaihchan leh dah lal a ni. 

2014 General Election khan BJP in MP 282 a neia INC in 44. 2019 General Election khan BJP in 303 neiin INC in 52 a nei a. MP te lo boral emaw lo banga By-Election awmin Party MP neih zat danglam leh mahse, General Election neiha MP neihzat Record kha General Election awm leh hmaa Party len zawng tehna a ni. 

Mipui Vote pum-pui belhkhawm aṭanga Party tin Vote hmuh zat chhut chhuaha percent a dah tel ṭhin a ni. Party anga MP thlang tling tam si lovin, Vote kan hmu tam tiin inhnem nan sawi a awm ṭhin. Party din chhan leh aiawh inthlannain a tum chu thlantlin  pakhatna rorelna chhunga lut tur a ni. Rorelna chhunga lut tam thei Party kha Party lian tehna a ni. INC India rama kum 136 lo ding tawh hian State tinah Vote chhiar tham a la nei vek a. Tuna Congress Party a te lutuk tawh an tihna chhan chu 2014 General Election ah MP 44, 2019 General Election ah MP 52 chauh a neih theih tawh vang a ni. BJP hian State lian leh te-ah Sawrkarna a nei tam a, chu chu tehna atana hman a ni lem lo. BJP lianber a nihna zawk chu 2014 General Election ah MP 282 leh 2019 ah MP 303 a neihna hi a ni.

State chhung Party lian tehna pawh Assembly Elec­tion result a ni. Heng Muni­cipal, Panchayty Raj leh VC/LC Election result hi tehfung a ni lo. Delhi Assembly Election 2015 khan AAP 67, BJP 3, INC Nil. Delhi Municipal Corporation 3 Election 2017 khan BJP in Corporation 3 a la vek thung a. Delhi Party lian tehna chu Assembly Election AAP chakna kha a ni. Bihar 2020 Oct. Assembly Election ah RJD 75, BJP 74, JDU 43, INC 19 etc te an ni. 

BJP hian MLA pakhat chiahin RJD a phak lo. Bihar State puma Party lian ber nihna chu RJD a ni larh tho.

Mizoram State Assembly Election 2018 result MNF 26, ZPM 8, INC 5, BJP 1 ( ZPM tih hian Speaker in beng lo chhu ngawng se. Amah CM Pu Zoramthanga hian ZPM MLA a ti fo thung lawi a)

Kum 2023 Mizoram Assembly Election hma chu Mizoram Party lian indawt dan chu result khi a ni. Pu Duhawma bial kalsan Aizawl West I By Election emaw Serchhip bial aṭanga Pu Duha ban ngawt emaw By Election result turin a ti danglam lo, 2018  Assembly Election result kha tehna ding reng rih tur a ni.

2018 Aizawl MLA Con­stituency 11, ZMP in MLA 6, MNF 5, INC Nil. Aizawlah hian ZPM a lian ber tihna a ni. AMC Campaign ah Party dangin ZPM chu an tetna lai an han phuahchawp sak a, an ni lahin te riauah an han inngai ngawt bawk a, ZPM MLA ṭhenkhatte  lah Full Swing in an han Campaign ṭha ngam lo a. 

Tichuan, 2021 AMC Result MNF 11, ZPM 6, INC 2, Result aṭanga a landanin sawrkar lai MNF tan sawrkarna chang turin a sak ve hle mai tih a lang. AMC Election ah MNF Party chak viau pawh nise, 2018 Aizawl MLA bial 11 Election kha ECI tan chuan Party lian leh Party te tehna a la ni reng. 

Tun AMC result aṭang chuan MNF a lian bera ZPM-in a dawt a, Congress pathum­­na fal hnuai tak a ni ber rih awm e.