SAKHUAA THIL PÊK LEH MITE ṬANPUI

(kohhrana thawh aiah ṭanpui ngaite ka pe zâwk mai...?)

Sawi tumah lût nghâl mai i la: A bikin kan ramah - Sakhaw (kohhran) pawlhote'n kohhran hmasawn nan leh rawng bawl nan, thil danga khawn tesep bakah thla bia thilpêk kipui bîk,   'Pathian ram,etc, ( thilpêk/ thawhlawm)' kan khawnin kan pe hlawm  ṭhin bawk a. He thawhlawm kipui pêk ( inkhawn) hi ṭhenkhat chuan sakhaw huang  ni lem lo, mi dang ṭanpui nana pe duh ta zawk kan awm pheuh ṭhin a ni awm e, sawi a awm zeuh ṭhin. 

Hetiang hi, a petu thu thu phei zawng a ni; mahse, chuti zawng ni loin,  rilru put hmang herh mil ngai kan la nei a ni maithei a; kam hnih khat lek hi bih chhin teh ang:

= ṭuanlehmang ata - mihringin 'Sakhua' a insiam chawp ṭhin. A nunin eng emaw tak biak tur (Kristiante Pathian tih loh, pathian atana a insiam chawp thil eng emaw- Ni, Thla,  lui, thing, lungpui, mi lem, etc...) a zawng tlat ṭhin; chumi hnuah a sakhaw (pathian) tana thil tih leh a sakhaw mila invawn zui chu a ni tin nuna bet  a ni ta ṭhin; chu chu 'Sakhua'  chu a ni.  "Mihringin sakhua kan din a; mahse, sakhua chuan mihring chu min thunun hlauh thung ṭhin." 

Khawvelah eng sakhaw mî pawhin - mahni sakhaw hmasawn nan, mahni Pathian biak nan leh rawngbawl nan, ' Thilpêk leh theihna dangte an pein an hlan ṭhin,' mahni chauha biak nei paw'n a sakhaw tan a sengso tho bawk a.

Chutianga sakhuaa thil pe ṭhinte zingah chuan - mi fel, sum leh pai leh tha leh tuite hmanga mi dangte va ṭanpui nasa ṭhin mi tam  tak an awm ṭhin tih kan hria ang a; chûng mite chuan,   MI AN VA ṬANPUINA KHA  MAHNI SAKHAW HUANGA PÊK  AI AH    an tih daih kher ring lo ta i la, zaa-za dawnin kan  ring dik maithei e.  ( Entir nan: Sakhaw thila 1,000 pe ṭhintû khân, kawng dangah  a nuai bî pawhin mi a va ṭanpui thei tho ṭhin a ni; 'Sakhuaa pêk Ai'  atan tih rilru pu ve kher loin, etc.). 

Mi dang ṭanpui zel rawh, sakhua i neih ve chuan i sakhuaah thil pe reng bawk rawh; mahse, i sakhaw pual leh mite ṭanpui nana i va pêk tur chu i rilruin khaikhin daih ṭhin suh ang che; hring nunah an kal kawp mai  ṭhin zâwk ngai e.   'Infin loin, thianghlimin; famkim an awm dun' ti mai ang.

- thil ṭhenkhatah, 'sakhaw rilru puin mite ṭanpui a ni ngai lo tawp,' tihna erawh a ni lo a;  kan man fuh tho ang chu maw...?

- hetiang zawng zia hi la hre lo hrim hrim awm palh theih a ni.

- tin, mi ngiaunger chî hrim hrim awm palh ve theih a ni bawk...? 

(hre zau zawk erawh in tam ang a... nang, eng nge i dinhmun le...?)