It's My Life

Tute nge an nih? - He ṭawngkam ‘its my life’ tih ṭawngkam hi unau zinga awm ṭha duh vak lote hman ṭhin leh ngaihdan a ni tlangpui. Tleirawl/ rawltharte zingah hetiang ngaihdan hi awm ve hle turah a ngaih theih bawk. ‘Its my life’ tih chingte hi a tlangpui thu in lehkhathiam lem lo emaw an nih duh hle. 

A dik em? - Heng mite hi anmahni hmuh dan leh hriat dan aṭang chuan an thiam viau mai. Ni e, a taksa a ni a, ama ta a ni a, a thu thu a ni. Miten han khakin han ti ṭhin mahse, ama duh dan a dah lal ber ṭhin a, a tawpah buaina a tawk ṭhin. Buaina tawk thei pawn an ring lo hial ang, chuvang chuan ti dik an inti hle ṭhin. 

Mi nuna buai ṭhin kha han sawi leh ta ila. Tute emaw khawsa zia leh incheina, ban vai dan etc. tih velah duh dan leh ngaihdan lo ni lo, mahse, an huat hrim hrim vang ni lo, an duhsak vang zawk ni si. Advice leh eng eng emaw lo pe fo ṭhin te, an lawm der viau ang a, mahse, an ṭangkaipui miah si lo. Heng mite (mi nuna buai) pawh hian an tha leh zung an seng nual, anmahni thlir dan aṭang chuan thil ṭha tak ti, mite ṭanpuitu an ni. 

Dik lo em? - Nu leh pa ṭhenrual ṭhaten thu ṭha leh zilhna an pek te an pawm duh lova. Mahni chauh inngaihtuahin an kal a, kawng ṭha leh nuam nia an hriatah an kal zel a, a tawpah thihna hial pawh a thleng ta ṭhin a ni. Chuvang chuan ka nun a ni a, ka thu thu, an han tih hi a fuh lo der a ni. 

Mi nuna buaite kha han sawi ve leh ta ila. Awm dan ṭha a awm, ṭhian kawm tam vak lo, pawisa hek lo, khawsak tihsan ngai lo, zirlaite tan phei chuan concentrate (zirlaiah) ti awlsamtu ni bawk si ang te kha. Lo va tlawh sek, kawm harh tum tlat mai, eng eng emaw lo va rawn ang chi te kha. 

Thil ṭha tak kan ti emaw kan tih lai khan mi kan ti buai a lo ni reng mai. Thil hre chiang mang si lova mi lo vei viau mai te, tibuaitu mai mai, hahthlawnna, a lo ni thei reng a ni. 

Ka thlir ve dan - Tunlai khawvel angah chuan an ti dik ve teuh hle in ka hria. Its my life with Jesus, han ti phei se chu an awhawm hle zawk dawn a ni. An sawi tel lo na a, heng mite hian, with Satan, an tihna tluk ni thovin ka hria. Kawng dik lo lam zawh an nih miau avangin. 

A pakhat zawk khian thil ṭha tak ti niin an in hria a, tih pawh an ti ngei a, mahse, a fuh tawk lohna lai a tam mai. Fel chu a ṭha a, fel mah mah erawh kan 

ṭangkaipui lo! Heng mite hian a tir taka an rilruah chuan, an thik deuh vang emaw awh vang emaw etc. niin a lang. Awle, heng mite hi midangte tana mi 

ṭhahnemngai chu an ni ve phawt mai. Kawng dik lo mi an zawh tir thei thung. 

Kan han sawi tak te mahni thu thua awm tum tlat leh midang mahni duh dan anga awm tir tum tlatte an ni. A goal a thuhmun ve ve lo maw aw? 

Mihringte chu a huhova cheng tura siam kan ni a, mi te ber pawh mamawh hun a awm ṭhin. Chutiang bawkin hausa ber pawh mamawh loh hun a awm. Mahni chauh in ngaihtuah a midangte thurawn leh zilhnate pawm duh lo leh ngai pawimawh duh lote leh midangte nuna buai tlat mai ṭhin te hi kan tunlai khawvel kalphung nen chuan inrem lo ve tak niin ka hria. Eng nge i hmuh ve dan le?