TUNLAI SÂM

1.    PAHOSS hian Traffic jam-ah awmzia a neih awm hriat a la ni lo. 

2.    Lailapur kawng dan laia Myanmar Mizote min thlamuanna thu kha a zahawm ta riau. 

3.    Inkhawm theih hi Inkhawm Dân tura harsatna thlentu pakhat a ni ve. 

4.    "A zai theih" tih thu a darh hnu lawkah "A zai theih loh" tih kan dawng zui leh. 

5.    Party dang nena inbeihna ai chuan Party khat chhunga inbeihna leh in thîkna hi a thuk zawk. 

6.    Thawhchhuah ni lo, a thlawna dawn kan lawm lutuk vanga SEM tawktarh ṭhin kan ni.

7.    Mipui min Lilam-tuten nuai khatin kum 10 min lei tawh a, tunah nuai 3 in min lei leh a, 2023 ah chuan mipui hi nuai 6 tala lilam kan ngai tawh maithei. 

8.    Assembly Session aiin Serchhip Bial boruak a langsar mah zawk.

9.    SEDP (nuai 3) Project a zuih tual tual - Capaign laia vbc. 1500 dah tura sawi, kum khatnaah vbc. 750, kum hnihnaah vbc. 513, tunah vbc.400 

10.    Two Wheeler Taxi hlawh chhuah a tlahniam hret hret a ni awm e. 

11.    "Mipui ṭha min pe ula" tih hi Tu leh Tu hnena sawi nge? Mipui ṭhasa pe thei an awm em? Mipui moral dik lo lutuk siam ṭha turin sorkar ṭha kan mamawh zawk. 

12.    Kan Politician ṭhenkhat hian London/ Newyork khu kum khat chhung enkawl se, an tâng an tâng mai lo'ng maw?

13.    Delhi-ah khuan "Delhi mihlun thlahte" an awm ve ang em?

14.    Ghana aṭanga India pawisa nuai 3 vel hlawh tura Boxer Aizawl rawn pan vang vanga chak lo zui bawk kha a khawngaihthlak. Nuai 3 dawng hmasa pawl a ni. 

15.    Mitthi an awm a, an inah rei fe kan ṭhut ṭhup hnu in Hall/School ah vui turin kan zawn chhuak ṭha leh a, mipui ngai tho in kan kîl leh.