BUDGET- Demand No. 4 FINANCE DEPT

SEDP Rs 3,00,000/- dawnna tur Budget bu - Demand for Grants (Vote on Account) 2019- 2020 kan ti phawt teh ang. He lehkhabu hi a pawimawh em mai, mipui lam chanvo chuanna a ni si a. 

Phek 66 na, Demand No 4, Finance - Mojor Head 4047, Sub-Head (90) Socia-Economic Development Policy (SEDP) Rs 75000.00 lakh. (cheng nuai sing sarih leh sang nga) a chuang kulh mai. Kan han chhuang khawp a, helai phek hi xerox a sem chiam chi maw le! A chung chiah Sub-Head (89) New Economic Development Policy (NEDP) colum ziahlan ve-ah erawh pawisa ziahlan a awm lo, blank a ni. 

Budget-ah kan "D-A- H Dah ang" tih angin SEDP atan Rs 75000 lakh chu sawisel rual lohin ziahlan a ni.  Minister leh MNF Party hotute zawk hian pawisa ziahlan zat hi chiang se, sawi hrang nuaih tawh lo teh se. Tun 2019-‘20 chhunga, SEDP dahna Finance Department bik pawisa hman tur zawng zawng hi Rs 300440.67 lakh a ni. Vote on Account hmanga Finance Department bik thla li (April - May - June - July) pawisa hman tura pass chin chu Rs 100,146.89 lakh a ni. 

Vote on account pawisa pass hian SEDP hi chhung­khung/ huam ta se, Finance Department Budget Rs 100,146.89 lakh aṭanga SEDP tur Rs 75000 lakh hmanral a nih chuan Fin Department hian Rs 35146.89 lakh thil danga hman tur an nei ang. Mipui thawhkhawm sorkar pawisa, budget pass chin bak chengkhat pawh hman thiang a ni lo. 

"Budget-ah kan dah ang, Budget hmasa berah kan dah ang, Ni 100 chhungin SEDP Rs 75000 lakh kan dah" Hetiang thu Laiking mai mai hian mipui chawk buai lo ila. Budget hi hmuh tur beiseina aṭanga siam a ni. Full Budget pass thei lo, Model Code of Conduct Rules puan hnua Budget Session nei awmchhun kan ni. Vote on Account hmanga April aṭanga July thla chhung pawisa hman tur pass-ah hian SEDP Rs 75000 lakh a tel em tih hi kan ngaihven tur, mipuite chanvo, kan tih chian hmasak ngai niin a lang. 

Mipui lamin warning lawk ang "Vote on Account Budget kan hmang hman lo, Budget pass leh hunah tih kual awih miah loh. State sorkar sum leh pai dinhmun a ṭha" kan ti ta sa sa.