MPSC & MSSSB vs PU ZAWMA

Kan hmuh, chhiar leh ngaihthlak aṭang tea kan lo hriat ve dan chuan Mizoram Sorkar hna la tu chu Mizoram Public Service Comission (MPSC) niin kan lo hre ve a, mahse MPSC te indaih loh chhuan lama siamin Mizoram Subordinate Service Selection Board (MSSSB) MNF sorkar hlim khan din a ni  a. 

Anni hi MPSC in hna a laka hniam deuh chang tawh tura tih an ni. Sum tamtak sengin Board din a ni a. Tin, Sorkar hna ruak a awm chuan Advertisement chuah tur ni te pawhin kan lo hre ve ṭhin bawk a. Chuta ṭang chuan dil thei tura bithliah phak chuan duh duhin an dil mai turah kan lo ngai a.

Contract hna a awm pawhin Tender chhuaha Contractor hoin an chhan hnuah a thawk tur thlan tur ni te pawhin kan lo hria a, Tin tender chhangtu hi mi pathum tal an ni tur a ni a, an tlin loh chuan chhuah nawn leh tur ni te pawhin kan lo hre ve a.

Kan Chief Minister meuhin, minister ten Hnamrun ah hna an vawm khawma, chu chu Pu zawma hoa sem angin an sawi leh daih mai a, Pu Zawma chu Minister te aia thu zawkah a dah a ni. Serchhip Bial mipuite hi Pu Zawma tlin leh tlin loh vanga hna hmua hmu lo tur an ni em ni? A nih chuan Serchhip bial mipui chu an hmangaih lo hle tihna a ni ang. Sorkar hna te hi Pu Zawma tlin leh tlin loh lam nilo in Khua leh tui kan nih angin kan dil phak tawk chu kan dil ve thei a, chuta a ṭha leh thiam chu an tling mai tur a ni zawk lo em ni?

Kan Campaign au hla aṭang hian ram ropui kan hlat hle mai. Hetiang mai maia bawl theiha min la ngai hi a in hmuhsit thlak a, an hna sem dan dik lo tak min la tlangau khum piap piap mai hi chu mi ang loah min ngai zawk amaw tih mai tur a ni.

Kan sorkar, eng pawh mai hian "kan hna hi en rawh u" an tih ngam ve turin engtikah nge hna an thawh ve ang? Kristian pa hi engtikah nge Hindu pa awt lo hian kan awm ve ang?