ASSAM RIFLE AN CHHUAH HUN CHUAN

Assam Rifle hoin Kan Aizawl khawpui an chhuah san hun hi kan nghak hlel tlang niin a lang a.An chhuah huna Assam Rifle hmun hman dan tur pawh kan lo hisapin ruahmanna mumal tak tak nei pawh kan awm nual ka ring. 

Sorkar leh Mizoram hmangaihtute cho  nan, tun hma atang khan Assam Rifle ho Zokhawsanga an chhuah huna kan hman dan tur ka lo suangtuah ve thin dan ka han sawi teh ang.

Assam Rifle ram hi kawngpui  dung zelah hian ft 2000 (sanghnih) zeta thui  a ni a. Tichuan kawng sirah hian Stall/Shop Two Storey Building, 30ft X 50ft Block 10ah siamin Block tinah Dawr kua 15 zel siamin  dawr luah manah Rs 150000/- zel Block tinah thlatin lain Block 10 ah  chuan Rs 1,50,00,000/- nuai za leh sawmnga thlatin lain, kum khatah chuan 18 crores (vai­belchhe sawm leh pariat) Revenue kan nei thei dawn a ni. 

He mi bakah hian Block tin inkarah Motor tlan luhna tur ft 20 vel kan zuah ang a; a chhung lamah motor 1000 vel park theihna siamin motor pakhatah Rs 2000 la lut in kum khatah chuan two crores forty thousand a hmuh theih bawk ang a.

Gymnasium hmun hnih hmun thumah siam a ni ang a; Volley Ball leh Basket Ball Court 4 vel siam a ni bawk ang a. Theatre Hall, Public Meetinga hman theih tur mihring singnga (fifty thousand) leng siam a ni bawk ang. A bang la awl  chu Park nuam tak tak, Grass lem ni lo, Foreign Grass mawi takin kan phah chhuak vek ang a; thutna nuam tak tak leh Restaurant changkang fe fe a awm bawk ang. 

Family-a lenna turin hmun nuam tak buatsaih a ni ang a; Nula leh tlangval inkawm hlimna tur hmun pawh buatsaih tel a ni ang. Hetianga buatsaih a nih hun chuan Aizawl hi Lei Jerusalem a ni ang a; Pangpar rimtui leh Plant mawi tak takin a hual vel ang.  Tourists ho pawhin, E! Hetiang hi a ni maw Kristian Khawpui chu an ti dawn a ni. Heng bakah hian naupang tan Pipu chhawng nuam tak siam a ni bawk dawn a ni. Heng bak hi chu kei aia fing ho rawt belh atan ka kian e.