Student Career Guidance (Matric pass te tan)

Zirna peng hrang hrang zawhṭanna kawtchhuah pawimawh tak leh Mizoten kan ngaihven ber pakhat HSLC (Matric) result chu a chhuak leh ta. HSLC pass tharten an zir theih career guidance langsar zual han tarlang ila. 

1.    Arts subject zir duh tan Class XI chhunzawmin higher secondary school-ah leh Open school-ah a zir theih

2.    North Eastern Regional Institute of Science & Technology (NERIST) ah Engineer/ Applied Science (Forestry) a zir theih. 

3.    National Institute of Electronics & Information Technology (NIELIT) - Aizawlah Diploma-in Computer Science & Engineering leh Diploma in Electronics & Tele Communication Engineering a zir theih. NIELIT zirlaite hi central sorkarin course fee a tum sak a, sum lama harsatna nei tan a remchang hle. 

4.    Mizoram Polytechnic, Lunglei-ah Diploma course hrang hrang: Civil Engineering, Mechanical Engineering, Electrical Engi­neering leh Computer Science & Engineering a zir theih. 

5.    Hmeichhe tan Women Polytechnic Aizawlah Diploma in Electronics & Tele Communication Engi­neering a zir theih. 

6.    Industrial Training Institute (ITI) Aizawlah vacational courses hrang hrang a zir theih.

7.    Open School hrang hrangah Arts subject leh short term course a zir theih. 

1. Arts zir turte tan:

Dan naranin Class XI ah subject pathum (3) - Arts, Science leh Com­merce an zir ṭhin. Arts zir duh tan Political Science, Economics, His­tory, Education, English, Mizo, Geo­graphy, Public Administration, Sociology, Psychology etc. kan zir duh combination duh ber thlan mai tur. Class XII zawha E-Commerce zir duh tan IT leh commerce lak tel tur. Chartered Accountancy, Banking, Financial Analysts, Insurances leh Financial planning & Management te zir duh tan Commerce subject zir tur. 

2. Science & Technology zir duh tan:

1.    Physics (P), Chemistry(C), Mathematics (M) leh Biology (B) a zir theih. 

2.    BCA/ MCA zir duh tan Maths leh Computer Sciences/ IT subject lak tur. 

3.    Doctor (MBBS, BDS, BVS) emaw nurse etc zir duh tan PCB subject lak tur.

4.    Engineer (Computer, Electronics, and Electrical, Civil etc.) zir duh tan PCM lak tur.

3. Vacational Course zir duh tan:

Industrial Training Institutes (ITI) Aizawlah leh district dangah vocational course hrang hrang a awm. 

1.    General line-a zir chhoh pawp pawp hi a ṭhat viau rualin hna hmuh theihna remchang awm theihna lam te kan ngaihtuah a ngai. 

2.    Art subject zir lak tawh chuan doctor emaw, engineer emaw han nih chak leh thut a rem tawh dawn lo

3.    Thil chhut chiang mang loa 

ṭhiante zir ang zir chawt zel te, zir an tlem tih vang ringawta mahni tuina subject ni miah lo lak ringawt te, subject awl awl nia mi sawi thlankhawm ringawt te, miten a ṭha an tih vang ringawta lak te hi a fuh lo 

4.    Kan mizia leh kal zelna tur ngaihtuah miah lova mark-in a pha tih vang ringawta Science leh Technical subject lak ve ringawt te hi a fuh lo

5.    School ṭhaa seat chan loh avang leh mark hniam vanga nu leh paten kan fate ITI, Polytechnics leh vacational/ short terms courses zir tura kan tir fo mai hi a ṭha lem lo. 

6.    Khawiah pawh zir ila, zirlaia tui tham tura taima tak leh rinawm taka kan zirnaah kan inpek chuan kan hlawhtling ngei ang. 

Zirlaiten lehkha kan zir chhan ber chu eizawnna tlak sum lalut thei tura sorkar company a thawh emaw, private a sumdawn a ni. Hnam dangten an fate zirna an buaipui nasatzia te hi entawn ila, zirlai nu leh paten kan fate zirna uluk taka kan ngaihtuah sak a ṭul tak zet ta.