BIAK INKHAWM ZAI LOH

Biak In a zai hi tamtak chuan an chak tawh hle ang tih a rin theih.Mahse 'Biak In' hi chu pindan chhung 'closed door'  ang a ni a. Bazar hmun 'Open air' a an au dur2 nen tehkhin chi a ni lo. 

Covid Vaccine hi kum 60 chung zawng zawng leh kum 45- 60 inkar natna benvawn nei hi han pe zo duak phawt se. A bâk mi nawlpui hi pe ṭan leh phawt mai teh se. Chumi hunah Zai chu a rawt chi chauh  ang. Tun kan dinhmun atan chuan   la zai rih loh a him ber ang. 

Covid hri kai hian an ṭawng zawngin hri 200 minute khat chhungin an pe chhuak thei a. Khuh/ hahchhiau hi chuan vawi khatah a maktaduai têl an chhuak a. Zaivak pawh hian chutiang deuh tho chu a ni. Heti khawpa tam chu mask N95 te kan hmang  a nih loh chuan tuna  kan mask hman tam ber hi chuan a veng  zo lo ang. Tunah pawh ṭhalai lam tamtak hriat loh a hrik pai an awm mai theih tih a rinawm a. Zai paha khang ho natna hrik (virus) phuhchhuah kha kum upa lam  inkhawmna a a hma lam ṭhu tân a la hlauh awm thei deuh ang. 

Hruaitu tam tak zai thlahlel tak takte hi kum upa lam leh tam tak chu natna benvawn nei (high risk group) an ni thei a. Hengho hi la venpui deuh a ṭha rih e. Khawvelah Covid natna vanga nunna chan tam ber 80% chuang  hi kum 60 chung lam leh natna benvawn nei an  ni. March ni 10, 2021 a Mizoram sawrkar kaihhruaina thara Biak In inkhawm zai rih loh an tih hi a ṭha in zawm ngei hi kan himna tur a la ni e.