Written by
- Lalhruaitluanga Bawitlung
Mizoram Budget-ah hian pension tate an pul tihna ami?
Kum 2021 Mizoram Budget an pharh leh pawm takah leh a hmalama tun MNF sawrkarin an pharh tak te han zirchian hian belhchian tlak loh thil felhlel, budget ah lan ṭhat tum avanga thil inthup engemaw zah a awm a, chung zingah chuan pakhat chauh ‘pension’ hlawh chungchang hi in thailang teh ang.
Pensionary charges: Pensionary Charges chung changah MNF sawrkarah hian Budget 2019, 2020 leh 2021 han zirchiang ila, 2019 Budget Estimate hi 2018 revised estimate aiin cheng nuaih 16298.58 in tih pun a nih laiin 2019 supplementary demand ah cheng nuaih 37167.62 dil belh a ni a. 2020 Budget ah han chho i la, hetah hian thil nuihzatthlak em em chu 2020 Budget Estimate hi 2019 Revised Estimate aiin cheng nuaih 29144.17 in a tlem zawk a ni hetih lai hian 2020 Supplementary Demand ah Cheng nuaih 2000 a dil belh.
MNF sawrkarah hian Pensionary Charges hi a bu ṭhelh in a ṭhelh ṭhin a, a kum hmasa budget aiin a tih danglam dan hian hriatthiam a har ṭhin. Mizoram New Pension Scheme hi 1.9.2010 aṭanga sawrkar hnathawk lak thar te tan a siam a ni a, a hma a lo thawk te a huam tel lo, chuvangin nakin kum 25, 30 emaw thleng hi chu pensionary charges hi kum tin a pung tual tual dawn, tuna MNF sawrkarah hian hetiang taka pensionary charges an chhut sualna chhan hi lehlamah budget lan mawi nan fiscal deficit tih tlem nan leh revenue surplus siam nan emaw revenue deficit tih tlem nan an ti dik lo lui emaw chu tiin a ngaih loh theih loh, supplementary demand siam leh tho tho a ngai ṭhin chuvangin tun kum 2021 Budget demand for grant-ah pawh hian pensionary charges cheng nuaih 112444.97 hi nikum 2020 pensionary charges aiin cheng nuaih 4664.48 in a tlem zawk a, kum 2019 ai phei chuan cheng nuaih 27,509.82 teh meuhin a hniam zawk, hei hi a nuihzatthlak lek lek zawk a, kan pensioner te hi an pul ta emaw ni tiin a ngaihtuah theih hial a ni.
Tun pensionary charges chungchang kan sawi tak ringawt aṭang pawh hian kan budget rintlak lohzia a hriaittheih a chuvangin pass tlak pawh niin ka hre lo.